കോട്ടയം : കേരള കോൺഗ്രസ് ജോസ് കെ മാണി പക്ഷത്തെ കൂടെ കൂട്ടിയത് നേട്ടമാക്കി എൽ ഡി എഫ്. പാല നഗരസഭയിൽ യു ഡി എഫിനെതിരെ മികച്ച വിജയത്തിലേക്കാണ് എൽ ഡി എഫ് മുന്നേറുന്നത്. ഫലം പുറത്ത് വന്ന ഏഴ് സീറ്റുകളിൽ അഞ്ചെണ്ണത്തിലും എൽ ഡി എഫാണ് വിജയിച്ചത്. ജോസഫ് പക്ഷത്തെ മേയർ സ്ഥാനാർത്ഥിയെ തോൽപ്പിച്ചുകൊണ്ട് ഞെട്ടിപ്പിക്കുന്ന ജയമാണ് എൽ ഡി എഫ് നേടിയത്. ഒരിടത്ത് മാത്രമാണ് യു ഡി എഫ് ലീഡ് ചെയ്യുന്നത്. കോട്ടയം പത്തനംതിട്ട ജില്ലകളിൽ എൽ ഡി എഫ് മുൻവർഷത്തേക്കാൾ വ്യക്തമായ മുന്നേറ്റമാണ് കാഴ്ചവയ്ക്കുന്നത്. ജോസ് പക്ഷത്തിന് ശക്തി തെളിയിക്കാനുള്ള അവസരം കൂടിയായിരുന്നു തദ്ദേശ തിരഞ്ഞെടുപ്പ്. ജോസ് കെ മാണിയെ കൂടെ കൂട്ടിയത് നന്നായെന്ന വിലയിരുത്തലിലാണ് എൽ ഡി എഫ് ഇപ്പോൾ.