പ്രേക്ഷകർ ആകാംഷയോടെ കാത്തിരുന്ന 'ദൃശ്യം 2'വിനെ കുറിച്ച് വമ്പൻ പ്രഖ്യാപനവുമായി നടൻ മോഹൻലാൽ. താൻ അഭിനയിച്ച് സൂപ്പർഹിറ്റായി മാറിയ 'ദൃശ്യ'ത്തിന്റെ രണ്ടാം ഭാഗത്തിന്റെ ടീസർ 2020 ന്യൂഇയർ ദിനത്തിൽ പുറത്തുവിടുമെന്നാണ് മോഹൻലാൽ തന്റെ വിവിധ സോഷ്യൽ മീഡിയ ഹാൻഡിലുകളിലൂടെ വ്യക്തമാക്കിയിരിക്കുന്നത്. ദൃശ്യത്തിന്റെ റീൽ കാർഡിന്റെ ചിത്രത്തിനൊപ്പം പങ്കുവച്ച ഒരു കുറിപ്പിലൂടെ മോഹൻലാൽ ഇക്കാര്യം പ്രേക്ഷകരെ അറിയിച്ചത്.

കുറിപ്പ് ചുവടെ:

'വർഷങ്ങൾക്ക് മുൻപ്, ഡബ്ബിങ് സ്റ്റുഡിയോയുടെ മോണിറ്ററിൽ ഇതുപോലൊരു റീൽ കാർഡ് ഞാൻ കണ്ടു... പിന്നീട് നടന്നത്, നിങ്ങൾക്കും എനിക്കും അറിയാവുന്ന ചരിത്രം.
ദൃശ്യം
ഇന്ന് ഈ ഡിസംബർ 19ന്, നിങ്ങളിലേക്കെത്തിയിട്ട് 7 വർഷം തികയുന്ന ദിവസം, നിങ്ങളിലേക്ക് ഒരു റീൽ കാർഡ് കൂടെ, ദൃശ്യം 2 ടീസറിന്റെ
കാത്തിരിക്കാൻ ഇനി കുറച്ചു നാളുകൾ കൂടെ. ജനുവരി 1ന്, പുതുവത്സര ദിനത്തിൽ ദൃശ്യം 2 ടീസർ നിങ്ങളിലേക്ക്.
The teaser of #Drishyam2 will be releasing on Jan 1st, 2021, 00:00 am IST . Wait for the surprise George kutty and family is going to bring, this New Year. Stay Tuned.
#Drishyam'