വേലന്താവളം മോട്ടോർ വാഹന ചെക്ക്പോസ്റ്റിലെ പരിശോധനയിൽ എ.എം.വി.ഐയിൽ നിന്നും പിടിച്ചെടുത്ത കൈക്കൂലി പണം

ചിറ്റൂർ: കൈക്കൂലി വാങ്ങിയ അ​സി​സ്റ്റ​ന്റ് മോ​ട്ടോ​ർ വെ​ഹി​ക്കി​ൾ ഇ​ൻ​സ്പെ​ക്ടറെ വിജിലൻസ് ഓടിച്ചിട്ട് പിടികൂടി. വേ​ല​ന്താ​വ​ളം മോ​ട്ടോ​ർ വാ​ഹ​ന ചെ​ക്ക്പോ​സ്റ്റി​ൽ ന​ട​ന്ന വി​ജി​ല​ൻ​സ് പരിശോധനയ്ക്കിടെ​യാ​ണ് അസിസ്റ്റന്റ് മോട്ടോർ വാഹന ഇൻസ്‌പെക്ടർ വി.​കെ.ഷം​സീ​റി​ൽ നി​ന്നും അ​ടി​വ​സ്ത്ര​ത്തി​ൽ ഒളിപ്പിച്ച നിലയിൽ 51,150 രൂ​പ പി​ടി​കൂ​ടി​യ​ത്. സെ​ല്ലോ ടേ​പ്പി​ൽ പൊ​തി​ഞ്ഞ നി​ല​യി​ലാ​യി​രു​ന്നു പ​ണം. ശനിയാഴ്ച രാവിലെയാണ് സംഭവം. വി​ജി​ല​ൻ​സ് ഡി​വൈ​.എ​സ്.പി എ​സ്.ഷം​സു​ദീ​ന്റെ നേ​തൃ​ത്വ​ത്തി​ലു​ള്ള സം​ഘ​മാ​ണ് പ​രി​ശോ​ധ​ന ന​ട​ത്തി​യ​ത്. വിജിലൻസ് സംഘത്തെ ക​ണ്ട​തും ഓ​ടി​ര​ക്ഷ​പെ​ടാ​ൻ ശ്ര​മി​ച്ച ഷം​സീ​റി​നെ പിന്തുടർന്ന് പി​ടി​കൂ​ടുകയായിരുന്നു. അ​ന്യ​സം​സ്ഥാ​ന വാ​ഹ​ന​ ഡ്രൈവർമാരിൽ നി​ന്നു കൈ​ക്കൂ​ലിയായി വാ​ങ്ങി​യ പ​ണ​മാ​ണെ​ന്ന് വി​ജി​ല​ൻ​സ് വ്യക്തമാക്കി.