
ടെൽഅവീവ്: ഇസ്രയേൽ പ്രധാനമന്ത്രി ബെഞ്ചമിൻ നെതന്യാഹു ഫൈസറിന്റെ കൊവിഡ് വാക്സിൻ സ്വീകരിച്ചു. ശനിയാഴ്ച വാക്സിൻ സ്വീകരിച്ചതോടെ  വാക്സിൻ സ്വീകരിക്കുന്ന ആദ്യ ഇസ്രയേൽ പൗരനായി അദ്ദേഹം മാറി.
ശനിയാഴ്ച മുതൽ ഇസ്രയേലിൽ ആരോഗ്യപ്രവർത്തകർക്കും നഴ്സിംഗ് ഹോം ജീവനക്കാർക്കും വാക്സിനേഷൻ ആരംഭിച്ചു. 
'ഞാൻ ഈ വാക്സിനെ വിശ്വസിക്കുന്നു' -ടെൽ അവീവിലെ ശേബ മെഡിക്കൽ സെന്ററിൽ വാക്സിൻ സ്വീകരിച്ചശേഷം അദ്ദേഹം പറഞ്ഞു. 
ഈ വർഷം അവസാനത്തോടെ ഹൈറിസ്ക് വിഭാഗത്തിൽപ്പെടുന്ന 20ശതമാനത്തോളം പേരിൽ വാക്സിനേഷൻ നടത്തുമെന്ന് ഇസ്രയേൽ അറിയിച്ചിരുന്നു.