അബുദാബി: ബ്രിട്ടണിൽ വൈറസിന്റെ പുതിയ വകഭേദം കണ്ടെത്തിയതിന് പിന്നാലെ സൗദി അറേബ്യയിൽ നിയന്ത്രണങ്ങൾ കടുപ്പിക്കുന്നു. സൗദി അറേബ്യ ഒരാഴ്ചത്തേക്ക് അതിർത്തികൾ അടച്ചു. വിദേശത്തേക്കുള്ള വിമാന സർവീസുകൾ റദ്ദാക്കുകയും, കടൽമാർഗവും കരമാർഗവും രാജ്യത്തേക്ക് ആളുകൾ പ്രവേശിക്കുന്നത് വിലക്കുകയും ചെയ്തിട്ടുണ്ട്.

ചില രാജ്യങ്ങളിൽ വൈറസിന്റെ പുതിയ വകഭേദം കണ്ടെത്തിയ സാഹചര്യത്തിൽ ജനങ്ങളുടെ ആരോഗ്യവും, സുരക്ഷയും കണക്കിലെടുത്ത് ചില നിയന്ത്രണങ്ങൾ ഏർപ്പെടുത്തുകയാണെന്ന് സൗദി അറേബ്യ പ്രസ്താവനയിൽ അറിയിച്ചത്. വൈറസ് ബാധയില്ലാത്ത രാജ്യങ്ങളിലേക്കുള്ള ചരക്കുനിരോധനത്തെയും വിലക്ക് ബാധിക്കില്ല.

ഒരാഴ്ചയ്ക്ക് ശേഷം സ്ഥിതിഗതികൾ വിലയിരുത്തിയ ശേഷം ആവശ്യമെങ്കിൽ നിയന്ത്രണങ്ങൾ തുടരുമെന്ന് അധികൃതർ അറിയിച്ചിട്ടുണ്ട്. കുവൈത്തും ബ്രിട്ടണിൽ നിന്നുള്ള വിമാന സർവീസുകൾക്ക് വിലക്കേർപ്പെടുത്തിയിട്ടുണ്ട്. ഇന്ത്യയിലും മുൻകരുതൽ നടപടികൾ സ്വീകരിച്ചു തുടങ്ങി. കേന്ദ്ര ആരോഗ്യമന്ത്രാലയം ഇന്ന് അടിയന്തര യോഗം ചേരും.

ബ്രിട്ടണിൽ വൈറസിന്റെ പുതിയ വകഭേദം കണ്ടെത്തിയെന്ന് ബ്രിട്ടീഷ് പ്രധാനമന്ത്രി ബോറിസ് ജോൺസണാണ് അറിയിച്ചത്. ആദ്യവൈറസിനെക്കാൾ 70 ശതമാനമധികം വേഗത്തിൽ പടർന്നുപിടിക്കുന്നതാണ് പുതിയ വൈറസ്. ബ്രി​ട്ട​ണി​ൽ​ ​ല​ണ്ട​നി​ലും​ ​വ​ട​ക്ക്കി​ഴ​ക്ക​ൻ​ ​ഇം​ഗ്ല​ണ്ടി​ന്റെ​ ​പ​ല​ ​ഭാ​ഗ​ങ്ങ​ളി​ലും​ ​​ ​ബോ​റി​സ് ​ജോ​ൺ​സ​ൻ​ ​ലോ​ക്ക്ഡൗ​ൺ​ ​പ്ര​ഖ്യാ​പി​ച്ചു.​ ​ല​ണ്ട​നി​ലെ​ ​ഹോ​ട്ട്സ്പോ​ട്ട് ​മേ​ഖ​ല​ക​ളി​ൽ​ ​ട​യ​ർ​ 4​ ​നി​യ​ന്ത്ര​ണ​ങ്ങ​ൾ​ ​ഇ​ന്ന​ലെ​ ​മു​ത​ൽ​ ​നി​ല​വി​ൽ​ ​വ​ന്നു.​ ​ജ​ന​ങ്ങ​ളോ​ട് ​യാ​ത്ര​ക​ൾ​ ​ഒ​ഴി​വാ​ക്കാ​നും​ ​നി​ർ​ദ്ദേ​ശി​ച്ചു.​