ദോഹ: ഖത്തർ ആസ്ഥാനമായി പ്രവർത്തികുന്ന അൽ ജസീറയിലെ മാദ്ധ്യമപ്രവർത്തകരുടെ ഫോണുകൾ ഹാക്ക് ചെയ്തതായി റിപ്പോർട്ട്. ഇസ്രയേൽ ആസ്ഥാനമായുളള സ്വകാര്യ രഹസ്യാന്വേഷണ ഏജൻസി വികസിപ്പിച്ച ചാര സോഫ്റ്റ് വെയർ ഉപയോഗിച്ച് ഫോണുകൾ ഹാക്ക് ചെയ്തെന്നാണ് ടൊറന്റോ ഗവേഷകരുടെ കണ്ടെത്തൽ. ഹാക്കചെയ്യപ്പെട്ടതിൽ മാദ്ധ്യമപ്രവർത്തകർ, പ്രൊഡ്യൂസർമാർ, അവതാരകർ, എക്‌സിക്യൂട്ടീവുകൾ തുടങ്ങി 36ഓളം മാദ്ധ്യമപ്രവർത്തകരുടെ ഐഫോണുകളിലാണ് സൈബർ ആക്രമണം നടത്തിയത്. സൗദി അറേബ്യയോ യുഎഇയോ ആണ് ഇതിന് പിന്നിലെന്നാണ് സംശയിക്കുന്നത്. സർക്കാർ പ്രവർത്തകർ എൻഎസ്ഒ ഗ്രൂപ്പിന്റെ പെഗാസസ് സ്‌പൈവെയർ ഉപയോഗിച്ചെന്നാണ് റിപ്പോർട്ടിലുള്ളത്. അൽജസീറയ്ക്കു പുറമെ ലണ്ടൻ ആസ്ഥാനമായുള്ള അൽ അറബി ടിവിയിലെ മാദ്ധ്യമപ്രവർത്തകന്റെ ഫോണും ഹാക്ക് ചെയ്യപ്പെട്ടതായി റിപ്പോർട്ടുകളുണ്ട്.