ഇ​സ്​​ലാ​മാ​ബാ​ദ്​: സൗദി അറേബ്യയോട് പാകിസ്ഥാനുള്ള കടം വീട്ടി ചൈന. ഈ വർഷം സൗദി പാകിസ്ഥാന് നൽകിയ വായ്പ ഉടൻ അടച്ച് തീർക്കണമെന്ന നിർദ്ദേശത്തെ തുടർന്നാണ് പാകിസ്ഥാൻ ചൈനയുടെ സഹായം തേടിയത്. തു​ർ​ക്കി​യെ​യും മ​ലേ​ഷ്യ​യെ​യും ഉ​ൾ​പ്പെ​ടു​ത്തി മു​സ്​​ലിം രാ​ഷ്​​ട്ര​ങ്ങ​ളു​ടെ ബ​ദ​ൽ മു​ന്ന​ണി രൂ​പ​പ്പെ​ടു​ത്താ​നു​ള്ള പാ​കി​സ്ഥാന്റെ ശ്ര​മ​ങ്ങ​ളെ​ച്ചൊ​ല്ലി ഉ​ഭ​യ​ക​ക്ഷി ബ​ന്ധം വ​ഷ​ളാ​യ​തി​നെ​ത്തു​ട​ർ​ന്നാണ് വായ്പ തിരിച്ചു ചോദിച്ചത്. തു​ട​ർ​ന്ന്​ ര​ണ്ട്​ ബി​ല്യ​ൺ ഡോ​ള​ർ പാ​കിസ്ഥാൻ അ​ടി​യ​ന്ത​ര​മാ​യി സൗ​ദി​ക്ക്​ തി​രി​ച്ചു​ന​ൽ​കി​യി​രു​ന്നു. ആ​കെ മൂ​ന്ന്​ ബി​ല്യ​ൺ ഡോ​ള​റാണ് ക​ട​മാ​യി സൗദി നൽകിയത്. ബാ​ക്കി അ​ടു​ത്ത വ​ർ​ഷം തി​രി​കെ കൊടുക്കുമെന്നാണ് വിവരം. സാ​ധാ​ര​ണ​യാ​യി സൗ​ദി ക​ടം ന​ൽ​കി​യാ​ൽ തി​രി​കെ ചോ​ദി​ക്കാ​റി​ല്ലെ​ന്നും പാ​കി​സ്ഥാന്റെ പു​തി​യ വി​ദേ​ശ​ന​യ​ങ്ങ​ളോ​ടു​ള്ള അ​തൃ​പ്​​തി​യാ​ണ്​ പ​ണം തി​രി​കെ ആ​വ​ശ്യ​പ്പെ​ട്ട​തി​ലൂ​ടെ വ്യ​ക്ത​മാ​കു​ന്ന​തെ​ന്നും പാ​ക്​ പ​ത്ര​മാ​യ 'ദ ​ഡോ​ൺ' റി​പ്പോ​ർ​ട്ട്​ ചെ​യ്​​തു.