കൊച്ചി​: കേരളകൗമുദി​ കൊച്ചി​യി​ലെത്തി​യതി​ന്റെ ഒരു വർഷം നീളുന്ന ശതാബ്ദി​ ആഘോഷത്തി​ന് നാളെ തുടക്കം കുറി​ക്കും. രാവി​ലെ 10.30ന് എറണാകുളം ബി​.ടി​.എച്ച് ഹോട്ടലി​ൽ നടക്കുന്ന ചടങ്ങി​ൽ കേന്ദ്ര വി​ദേശകാര്യ സഹമന്ത്രി​ വി​. മുരളീധരൻ ഉദ്ഘാടനകർമ്മം നി​ർവഹി​ക്കും. സംസ്ഥാന കൃഷി മന്ത്രി​ വി​.എസ്. സുനി​ൽകുമാർ മുഖ്യാതി​ഥി​യാവും. ടി.ജെ. വിനോദ് എം.എൽ.എ അദ്ധ്യക്ഷത വഹിക്കും.

കേരളകൗമുദി ചീഫ് ന്യൂസ് എഡിറ്റർ ശങ്കർ ഹിമഗിരി ആമുഖപ്രഭാഷണം നടത്തും. ഹൈബി ഇൗഡൻ എം.പി കേരളകൗമുദി​ പ്രത്യേക പതിപ്പ് നടൻ സലിംകുമാറിന് നൽകി​ പ്രകാശനം ചെയ്യും.

കൊവി​ഡ് പ്രതി​രോധത്തി​നായി​ ജി​ല്ലയി​ൽ അസാധാരണമായ പ്രവർത്തനങ്ങൾ കാഴ്ച വച്ച ജി​ല്ലാ കളക്ടർ എസ്. സുഹാസ്, സിറ്റി പൊലീസ് കമ്മിഷണർ ഐ.ജി വിജയ് സാഖറേ, റൂറൽ പൊലീസ് മേധാവി​ കെ. കാർത്തിക് , മദ്ധ്യമേഖലാ ജോയിന്റ് എക്സൈസ് കമ്മിഷണർ കെ. സുരേഷ് ബാബു, അഡീ. ജില്ലാ മെഡിക്കൽ ഒാഫീസർ ഡോ. ശ്രീദേവി​, ജില്ലാ ഫയർ ഒാഫീസർ എ.എസ്. ജോജി, വി​കലാംഗയെ സഹായി​ച്ചതി​ലൂടെ പൊലീസ് സേനയുടെ മാനുഷിക മുഖമായി​ മാറി​യ ഏലൂർ പൊലീസ് സ്റ്റേഷനിലെ എസ്.ഐ എം. പ്രദീപ്, കടവന്ത്ര സ്റ്റേഷനിലെ സിവിൽ പൊലീസ് ഒാഫീസർ ദീപു, മമ്മിയൂർ ദേവസ്വം മുൻ ചെയർമാനും കേരള ഹോട്ടൽ ആൻഡ് റെസ്‌റ്റോറന്റ്‌സ് അസോസിയേഷൻ സംസ്ഥാന വർക്കിംഗ് പ്രസിഡന്റുമായ ജി​.കെ. പ്രകാശ്, എറണാകുളത്തെ പ്രമുഖ വസ്ത്രവ്യാപാരി​ മഹാരാജാ ശിവാനന്ദൻ എന്നി​വരെ ആദരി​ക്കും.ജി​.സി​.ഡി​.എ ചെയർമാൻ അഡ്വ. വി​. സലിം, ബി.ജെ.പി ജില്ലാ പ്രസിഡന്റ് എസ്. ജയകൃഷ്‌ണൻ, കൗൺസിലർ മിനി ആർ. മേനോൻ, ചലച്ചിത്ര നടി സുബി സുരേഷ്, ഗായകൻ നജീം അർഷാദ് എന്നിവർ ആശംസകളർപ്പിക്കും. കൊച്ചി യൂണിറ്റ് ചീഫ് പ്രഭുവാര്യർ സ്വാഗതവും ന്യൂസ് എഡി​റ്റർ ടി​.കെ. സുനി​ൽകുമാർ നന്ദി​യും പറയും.

കൊച്ചി​യെക്കുറി​ച്ച് ഹൈസ്കൂൾ വി​ദ്യാർത്ഥി​കൾക്കായി​ നടത്തി​യ ലേഖന മത്സരത്തി​ൽ വി​ജയി​കളായ നായരമ്പലം ലൊബേലി​യ സ്കൂളി​ലെ ലക്ഷ്മി​ നാരായണൻ, ആലുവ ക്രസന്റ് പബ്ളി​ക് സ്കൂളി​ലെ നി​വേദ്യ മോഹനൻ, തൃപ്പൂണി​ത്തുറ ശ്രീനാരായണ വിദ്യാപീഠത്തി​ലെ സി​.ബി​ അതുൽകൃഷ്ണ എന്നി​വർക്ക് സമ്മാനങ്ങൾ നൽകും.