ന്യൂഡൽഹി: വിവാദ പരാമർശങ്ങൾ കൊണ്ട് നിരവധി തവണ വാർത്തകളിൽ ഇടംപിടിച്ച വ്യക്തിയാണ് പാക് മുൻ പേസർ ഷൊയിബ് അക്തർ. ഖസ്വ ഇ ഹിന്ദിനെ കുറിച്ച് അക്തർ പറഞ്ഞ ഒരു വീഡിയോ ഇപ്പോൾ സോഷ്യൽ മീഡിയയിൽ ചർച്ചയാകുകയാണ്.
"Ghazwa e Hind is mentioned in our sacred books. We will first capture Kashmir and then invade India from all sides for Ghazwa e Hind"
— Pakistan Untold (@pakistan_untold) December 18, 2020
- Shoaib Akhtar (descendant of a Hindu Gujjar)
After all cricket & art have no boundaries. After Ghazwa e Hind, India will have no boundaries! pic.twitter.com/sRlYml6xow
ഇന്ത്യക്കെതിരായ വിശുദ്ധ യുദ്ധമാണ് ഖസ്വ ഇ ഹിന്ദ് എന്നതുകൊണ്ട് അർത്ഥമാക്കുന്നത്. ഹിന്ദുക്കളുമായുള്ള യുദ്ധത്തിനുശേഷം മുസ്ലീം യോദ്ധാക്കൾ ഇന്ത്യൻ ഉപഭൂഖണ്ഡം കീഴടക്കുമെന്ന് അവകാശപ്പെടുന്ന ഒരു പ്രവചനമാണിതെന്ന് ചില ഉറുദു പണ്ഡിതന്മാർ അവകാശപ്പെടുന്നു. എന്നാൽ ഈ സിദ്ധാന്തത്തിന് വിശ്വാസ്യതയില്ലെന്നും, അത് തെറ്റാണെന്നും മറ്റുചില പണ്ഡിതന്മാർ പറയുന്നു.
'ഖസ്വ ഇ ഹിന്ദ് സംഭവിക്കുമെന്ന് ഞങ്ങളുടെ ഗ്രന്ഥങ്ങളിൽ ഉണ്ട്. അറ്റോക്കിലെ നദി രക്തത്താൽ രണ്ട് തവണ ചുവപ്പ് നിറമാകും. അഫ്ഗാനിസ്ഥാനിൽ നിന്നുള്ള സൈന്യം അറ്റോക്ക് വരെ എത്തും. അതിനുശേഷം സേന, ഷമാൽ മഷ്‌റിക്കിൽ നിന്ന് ഉയരും, ഉസ്‌ബെക്കിസ്ഥാനിൽ നിന്ന് വ്യത്യസ്ത സംഘങ്ങൾ എത്തും. ഇത് ലാഹോർ വരെ നീണ്ടുനിന്ന ചരിത്രമേഖലയായ ഖൊറാസാനെ സൂചിപ്പിക്കുന്നു. ശേഷം ആ സേന കാശ്മീർ കീഴടക്കും, ഇൻഷാ അള്ളാഹ്, എന്നിട്ട് അവർ മുന്നോട്ടുതന്നെ പോകും'' ഒരു മാദ്ധ്യമത്തിന് നൽകിയ അഭിമുഖത്തിലാണ് പരാമർശം. ഇന്ത്യയിൽ അക്തറിന് ഒരുപാട് ആരാധകരുണ്ട്. എന്നാൽ ഈ പരാമർശം എല്ലാവരെയും ഞെട്ടിച്ചിരിക്കുകയാണ്.