തിരുവനന്തപുരം: നടൻ അനിൽ നെടുമങ്ങാടിന്റെ അപ്രതീക്ഷിത വിയോഗം മലയാള സിനിമാലോകത്ത് വൻനടുക്കം ആണ് സൃഷ്ടിച്ചത്. അനിൽ പി നെടുമങ്ങാടിന്റെ വിയോഗവാർത്ത വിശ്വസിക്കാനാവുന്നില്ലെന്ന് നടൻ ബിജു മേനോൻ ഫേസ്ബുക്കിൽ കുറിച്ചു. ''അനിൽ ...ഇനി ഇല്ല എന്നെങ്ങിനെ ഞാൻ എന്നെ തന്നെ വിശ്വസിപ്പിക്കും ..?'' അനിലിന്റെ മരണവാർത്ത പുറത്തു വന്നതിന് പിന്നാലെ ബിജു മേനോൻ ഫേസ്ബുക്കിൽ കുറിച്ചു.

അടുത്ത സുഹൃത്തായിരുന്ന സംവിധായകൻ സച്ചിയുടെ വിയോഗത്തിന് പിന്നാലെയാണ് അയ്യപ്പനും കോശിയിലും ബിജുവിനൊപ്പം നിറഞ്ഞുനിന്ന അനിലിനെയും നഷ്ടപ്പെടുന്നത്.

തൊടുപുഴയിൽ ഷൂട്ടിംഗ് പുരോഗമിക്കുന്ന ജോജു ജോർജുവിന്റെ പുതിയ ഷൂട്ടിംഗ് സൈറ്റിൽ നിന്നും വൈകിട്ട അഞ്ചരയോടെയാണ് അനിലിന്റെ മരണ വാർത്ത പുറത്തു വരുന്നത്.

നിമിഷങ്ങൾക്ക് മുൻപ് തങ്ങളൊടപ്പം ക്യാമറയ്ക്ക് മുന്നിൽ നിന്ന നടന്റെ അപ്രതീക്ഷിത വിയോഗ വാർത്ത ഉൾക്കൊള്ളാൻ പോലുമാക്കാത്ത അവസ്ഥയിലാരുന്നു ജോജു ജോർജടക്കമുള്ള ചിത്രത്തിലെ അഭിനേതാക്കളും