ന്യൂഡൽഹി: കേന്ദ്ര ശാസ്‌ത്ര സാങ്കേതിക മന്ത്രാലയം സംഘടിപ്പിച്ച ഇന്ത്യ ഇന്റർനാഷണൽ സയൻസ് ഫെസ്റ്റിവലിൽ ജി.എസ്. ഉണ്ണിക്കൃഷ്ണൻ നായരുടെ മൂന്ന് ഡോക്യുമെന്ററികൾ അവാർഡുകൾ നേടി. അദ്ദേഹം നിർമ്മിച്ച് സംവിധാനം ചെയ്‌ത 'റിട്ടേൺ ഓഫ് ദ ഹോളി ഗ്രെയിൻ' 50,000 രൂപയുടെ ജൂറി അവാർഡും 'ചെറുവയൽ രാമൻ എഫക്‌ട്' പ്രത്യേക ജൂറി പരാമർശവും നേടി. ഫെസ്റ്റിവലിന്റെ ഭാഗമായി ജൈവ വൈവിദ്ധ്യ കോൺക്ലേവ് സംഘടിപ്പിച്ച വീഡിയോ മത്സരത്തിൽ അട്ടപ്പാടി കറുത്ത ആടിനെ പറ്റി അദ്ദേഹം നിർമ്മിച്ച ചിത്രം മികച്ച ഫിലിമിനുള്ള 15,000 രൂപയുടെ അവാർഡും നേടി.
റിട്ടയേർഡ് കൃഷി ഡയറക്ടറായ ജി. എസ്. ഉണ്ണിക്കൃഷ്ണൻ നായർ തിരുവനന്തപുരം ചെട്ടികുളങ്ങര സ്വദേശിയാണ്.