കൊൽക്കത്ത: പ്രശസ്ത ബംഗാളി സംവിധായകൻ ദേബിദാസ് ഭട്ടാചാര്യ കൊവിഡ് ബാധിച്ച് മരിച്ചു. ഇന്നലെ രാവിലെയയായിരുന്നു അന്ത്യം. ഒരാഴ്ച മുമ്പ് കൊവിഡ് ബാധിതനായി ആശുപത്രിയിൽ പ്രവേശിപ്പിച്ച അദ്ദേഹത്തിന്റെ നില അതീവ ഗുതരമായിരുന്നു.

'മാ തൊമെയ് ചരാ ഗും അസേന', 'രാഗേ അനുരാഗേ', 'ബൃദ്ധാശ്രം' എന്നീ ടെലിവിഷൻ പരമ്പരകളുടെ സംവിധാന മികവാണ് അദ്ദേഹത്തെ പ്രശസ്തിയിലേക്ക് ഉയർത്തിയത്. തന്റെ പരമ്പരകളിലൂടെ നിരവധി അഭിനേതാക്കളെയും ടെക്നീഷ്യൻമാരെയും അദ്ദേഹം ഇൻഡസ്ട്രിക്ക് സമ്മാനിച്ചിരുന്നു. അളകനന്ദ ഗുഹ നായികയായെത്തുന്ന ബൃദ്ധാശ്രം - 2 സംവിധാനം ചെയ്ത് കൊണ്ടിരിക്കേയാണ് ആകസ്മിക വിയോഗം. മൊനാമി ഘോഷ്, നീൽ ചാറ്റർജിയടക്കമുള്ള പ്രമുഖ അഭിനേതാക്കളുമായി അടുത്ത ബന്ധം പുലർത്തിയിരുന്ന സംവിധായകനായിരുന്നു.