ജംഷെഡ്‌പ്പുർ: കൊടുംകുറ്റവാളിയും അധോലോക ഭീകരനായദാവൂദ് ഇബ്രാഹിമിന്റെ സഹായിയായ മലയാളിയെ പിടികൂടി ഗുജറാത്ത് തീവ്രവാദ വിരുദ്ധ സേന. വാർത്താ ഏജൻസിയായ എഎൻഐയാണ് ഇക്കാര്യം റിപ്പോർട്ട് ചെയ്യുന്നത്.
നിരവധി കേസുകളിൽ പ്രതിയായ അബ്ദുൾ മജീദ് കുട്ടിയാണ് പിടിയിലായിരിക്കുന്നത്. 24 വർഷമായി ഒളിവിൽ കഴിഞ്ഞിരുന്ന ഇയാളെ ഝാർഖണ്ഡിൽ നിന്നുമാണ് അറസ്റ്റ് ചെയ്തത്.
1997ലെ റിപ്പബ്ലിക് ദിനഘോഷ വേളയിൽ ഗുജറാത്ത്, മഹാരാഷ്ട്ര എന്നീ സംസ്ഥാനങ്ങളിൽ സ്ഫോടനങ്ങൾ നടത്താനായി ദാവൂദ് അയച്ച സ്‌ഫോടക വസ്തുക്കളുമായി ബന്ധപ്പെട്ട് ഇയാളുടെ പേരിൽ കേസെടുത്തിരുന്നു. പാക് ഏജൻസിയുടെ താത്പര്യ പ്രകാരമായിരുന്നു ദാവൂദ് സ്‌ഫോടക വസ്തുക്കളയച്ചിരുന്നത്.