വാഷിംഗ്ടൺ: ഭക്ഷണം മാത്രമല്ല, പണവും സൗജന്യമായി തരുന്നൊരു റസ്റ്റോറന്റ്. അമേരിക്കയിലെ പ്രമുഖ യൂട്യൂബറായ ജിമ്മി ഡൊണാൾഡ്സണിന്റെ റസ്റ്റോറന്റിൽ നിന്നാണ് ഈ നേട്ടം.. മിസ്റ്റ‌ർ ബീറ്റ് എന്നാണ് യൂട്യൂബിൽ ഇദ്ദേഹത്തിന്റെ പേര്.. ലക്ഷക്കണക്കിന് ഫോളോവേഴ്സ് ഉള്ള ഇദ്ദേഹം തന്റെ പുതിയ വീഡിയോയിലാണ് റസ്റ്റോറന്റിനെക്കുറിച്ച് പറയുന്നത്. ലോകത്തിലെ ആദ്യത്തെ സൗജന്യ റെസ്റ്റോറന്റ് എന്ന വിശേഷണത്തോടെയാണ് മിസ്റ്റർ ബീസ്റ്റ് പുതിയ‌ വീഡിയോ യൂട്യൂബിൽ പങ്കുവച്ചിരിക്കുന്നത്.

റെസ്റ്റോറന്റിൽ ആളുകൾ വരുന്നതും ഭക്ഷണം കഴിച്ചിട്ട് പണം നൽകാതെ പോകുന്നതും വീഡിയോയിൽ കാണാം. ഒപ്പം ആവശ്യക്കാർക്ക് റസ്‌റ്റോറന്റിൽ നിന്ന് പണം നൽകുന്നതും കാണാം.

നിരവധി പേരാണ് ഭക്ഷണത്തിനായി ഇവിടെ എത്തുന്നത്. കടയ്ക്ക് മുന്നിൽ വരിവരിയായി നിരവധി പേർ നിൽക്കുന്നുണ്ട്. ഭക്ഷണം തീരുന്നതിന് അനുസരിച്ച് വീണ്ടും പാകം ചെയ്യുന്നതും ദൃശ്യങ്ങളിൽ കാണാം. എന്നാൽ പബ്ലിസിറ്റിക്ക് വേണ്ടിയാണ് മിസ്റ്റർ ബീസ്റ്റ് ഇങ്ങനെ ചെയ്യുന്നതെന്നാണ് ചിലരുടെ അഭിപ്രായം. എന്നാൽ അദ്ദേഹം ചെയ്യുന്നത് മഹത്തായ കാര്യമാണെന്ന അഭിപ്രായവുമായി നിരവധിപ്പേർ കമന്റ് ചെയ്യുന്നുണ്ട്. 2019 ൽ ഏറ്റവുമധികം വ്യൂവേഴ്‌സിനെ സമ്പാദിച്ച യൂട്യൂബർമാരിൽ ഒരാളാണ് അദ്ദേഹം, അതിന് പുറമെ 2018 ൽ ഏറ്റവും പരോപകാരിയായ മനുഷ്യൻ എന്ന ബഹുമതിയും മിസ്റ്റർ ബീസ്റ്റ് സ്വന്തമാക്കിയിട്ടുണ്ട്.

അതേസമയം, ഈ വീഡിയോ വ്യാജമാണെന്ന വാർത്തകളും പുറത്തുവരുന്നുണ്ട്.