ന്യൂയോർക്ക്: ലോകത്ത് കൊവിഡ് ബാധിതരുടെ എണ്ണം എട്ട് കോടി പതിനാറ് ലക്ഷം പിന്നിട്ടു. നാലര ലക്ഷത്തിലധികം പേർക്കാണ് പുതുതായി വൈറസ് ബാധ സ്ഥിരീകരിച്ചത്. 17,80,850 പേർ മരിച്ചു. രോഗമുക്തി നേടിയവരുടെ എണ്ണം അഞ്ച് കോടി എഴുപത്തിയേഴ് ലക്ഷം കടന്നു. അമേരിക്ക, ഇന്ത്യ,ബ്രസീൽ എന്നീ രാജ്യങ്ങളാണ് രോഗികളുടെ എണ്ണത്തിൽ ആദ്യ മൂന്ന് സ്ഥാനങ്ങളിലുള്ളത്.

ഇന്ത്യയിൽ കൊവിഡ് ബാധിതരുടെ എണ്ണം 1.02 കോടിയും, മരണം 1.48 ലക്ഷവും പിന്നിട്ടു. ചികിത്സയിലുള്ളവരുടെ എണ്ണം 2.77 ലക്ഷമായി കുറഞ്ഞു. കഴിഞ്ഞ ദിവസം രാജ്യത്ത് 20,021 പേർക്കാണ് കൊവിഡ് സ്ഥിരീകരിച്ചത്. 21,131 പേർ രോഗമുക്തരായി. 279 പേർ മരിച്ചു. ആകെ രോഗമുക്തരുടെ എണ്ണം 97 ലക്ഷം കടന്നു. രോഗമുക്തി നിരക്ക് 95.83 ശതമാനമായി ഉയർന്നു .

അമേരിക്കയിൽ സ്ഥിതി അതീവ ഗുരുതരമായി തുടരുകയാണ്. യുഎസിൽ ഒന്നര ലക്ഷത്തിലധികം പുതിയ കേസുകളാണ് റിപ്പോർട്ട് ചെയ്തത്. ഇതോടെ ആകെ രോഗബാധിതരുടെ എണ്ണം ഒരുകോടി തൊണ്ണൂറ്റിയേഴ് ലക്ഷം കടന്നു. 3,43,072 പേർ മരിച്ചു.1.16 കോടി പേർ സുഖം പ്രാപിച്ചു.

രോഗബാധിതരുടെ എണ്ണത്തിൽ ലോകത്ത് മൂന്നാം സ്ഥാനത്തുള്ള ബ്രസീലിൽ എഴുപത്തിയഞ്ച് ലക്ഷം പേർക്കാണ് കൊവിഡ് സ്ഥിരീകരിച്ചത്. 1,91,641 പേർ മരിച്ചു. രോഗമുക്തി നേടിയവരുടെ എണ്ണം അറുപത്തിയഞ്ച് ലക്ഷം പിന്നിട്ടു.