തിരുവനന്തപുരം: ഇന്ത്യയിലെ ഏറ്റവും പ്രായം കുറഞ്ഞ മേയറായി തിരഞ്ഞെടുക്കപ്പെട്ട തിരുവനന്തപുരം മേയർ ആര്യാ രാജേന്ദ്രന് അഭിനന്ദനവുമായി ശ്രീലങ്കൻ മന്ത്രി. ശ്രീലങ്കൻ യുവജന ക്ഷേമ മന്ത്രി നമൾ രാജ്‌പക്‌സെയാണ് ആര്യയ്‌ക്ക് അഭിനന്ദനവുമായി രംഗത്തെത്തിയിരിക്കുന്നത്.

ആര്യയുടെ വിജയം കൂടുതൽ യുവജനങ്ങൾക്ക് പ്രത്യേകിച്ചും സ്ത്രീകൾക്ക് പ്രചോദനമാകുമെന്നായിരുന്നു നമൾ രാജ്പക്സെ ട്വിറ്ററിൽ കുറിച്ചത്. ശ്രീലങ്കൻ മുൻ പ്രസിഡന്റ് മഹീന്ദ രാജ്പക്സെയുടെ മകനാണ് നമൾ രാജ്പക്സെ.

Congratulations to young #AryaRajendran for being elected the mayor of #Thiruvananthapuram Municipal Council in #India. No doubt your success story will pave way and inspire more youngsters, particularly women, to follow your path.

— Namal Rajapaksa (@RajapaksaNamal) December 28, 2020

ആര്യയെ അഭിനന്ദിച്ച് അദാനിയും കമലഹാസനും അടക്കമുളള പ്രമുഖർ കഴിഞ്ഞദിവസം രംഗത്തെത്തിയിരുന്നു. തിരുവനന്തപുരം നഗരത്തിന്റെ നാൽപ്പത്തിയാറാമത്തെ മേയറും മൂന്നാമത്തെ വനിതാ മേയറുമാണ് 21കാരിയായ ആര്യ. മുടവൻമുകൾ കൗൺസിലറായ ആര്യ തിരുവനന്തപുരം ആൾസെയിന്റ്‌സ് കോളേജിലെ രണ്ടാം വർഷ ബിഎസ്‌സി മാത്തമാറ്റിക്‌സ് വിദ്യാർത്ഥിയാണ്.