കു​വൈ​ത്ത് സി​റ്റി: കൊവിഡ് വ്യാപനം ഭീഷണി ഉയർത്തുന്ന സാഹചര്യത്തിൽ പുതുവത്സര ആഘോഷങ്ങൾക്ക് രാജ്യവ്യാപകമായി സുരക്ഷ ശക്താമാക്കുമെന്ന് ആഭ്യന്തര മന്ത്രാലയം. ഇതിന്റെ ഭാഗമായി മാളുകളിലും മറ്റ് പ്രധാന കേന്ദ്രങ്ങളിലും സുരക്ഷ ഉദ്ധ്യോഗസ്ഥരെ വിന്യസിപ്പിച്ചു. കൊവിഡിന്റെ പശ്ചാത്തലത്തിൽ ജനുവരി പത്തുവരെ ആഘോഷ പരിപാടികൾക്കും ഒത്തുകൂടലിനുംവിലക്ക് ഏർപ്പെടുത്തിയിട്ടുണ്ട്..

റോ​ഡ് സു​ര​ക്ഷ ഉ​റ​പ്പു​വ​രു​ത്താ​ൻ എ​ല്ലാ പ്ര​ധാ​ന റോ​ഡു​ക​ളി​ലും കൂ​ടു​ത​ൽ ട്രാ​ഫി​ക് ഉ​ദ്യോ​ഗ​സ്​​ഥ​രെ നി​യ​മി​ച്ചു. രാ​ജ്യ​ത്തിന്റെ പാ​ര​മ്പ​ര്യ​ത്തി​നും സ​ഭ്യ​ത​ക്കും ചേ​രാ​ത്ത പ​രി​പാ​ടി​ക​ൾ സം​ഘ​ടി​പ്പി​ക്കു​ന്ന​വ​രെ പി​ടി​കൂ​ടും.

ഇ​തു​മാ​യി ബ​ന്ധ​പ്പെ​ട്ട്​ സം​ശ​യ​മു​ള്ള അ​പ്പാ​ർ​ട്ടു​മെന്റുക​ളി​ലും പ​രി​ശോ​ധ​ന ന​ട​ത്തു​മെ​ന്ന്​ അ​ധി​കൃ​ത​ർ വ്യ​ക്​​ത​മാ​ക്കി. തെ​രു​വു​ക​ൾ, മാ​ർ​ക്ക​റ്റ്, പാ​ർ​ക്കു​ക​ൾ തു​ട​ങ്ങി​യ സ്ഥ​ല​ങ്ങ​ളി​ൽ നി​രീ​ക്ഷ​ണ​സം​ഘ​ത്തെ മ​ഫ്​​തി​യി​ല​ട​ക്കം ഏ​ർ​പ്പെ​ടു​ത്തി​യി​ട്ടു​ണ്ട്. എ​ല്ലാ അ​തി​ർ​ത്തി ചെ​ക്ക് പോ​യന്റുക​ളും ക​ർ​ശ​ന നി​രീ​ക്ഷ​ണ​ത്തി​ലാ​ണ്.

ആ​ഘോ​ഷ​ഭാ​ഗ​മാ​യി ഗ​താ​ഗ​ത ത​ട​സ്സ​മു​ണ്ടാ​ക്കു​ക​യോ അ​പ​ക​ട​ക​ര​മാ​യി വാ​ഹ​ന​മോ​ടി​ക്കു​ക​യോ ചെ​യ്യ​രു​തെ​ന്നാ​ണ് പൊ​ലീ​സിന്റെ താ​ക്കീ​ത്. ഉ​ന്ന​ത ഉ​ദ്യോ​ഗ​സ്ഥ​രു​ടെ മേ​ൽ​നോ​ട്ട​ത്തി​ൽ ക​ൺ​ട്രോ​ൾ റൂം ​വ​ഴി​യും അ​ല്ലാ​തെ​യും ഉ​ള്ള നി​രീ​ക്ഷ​ണം ഉ​ണ്ടാ​യി​രി​ക്കു​മെ​ന്നും നി​ർ​ദേ​ശ​ങ്ങ​ൾ ലം​ഘി​ക്കു​ന്ന​വ​ർ​ക്കെ​തി​രെ ക​ർ​ശ​ന ന​ട​പ​ടി​യെ​ടു​ക്കു​മെ​ന്നും സു​ര​ക്ഷ വി​ഭാ​ഗം മു​ന്ന​റി​യി​പ്പ് ന​ൽ​കി.

തീ​വ്ര​വാ​ദ ആ​ക്ര​മ​ണ​ങ്ങ​ൾ ഉ​ണ്ടാ​കാ​തി​രി​ക്കാ​ൻ ക​ര, ക​ട​ൽ, വ്യോ​മ അ​തി​ർ​ത്തി​ക​ളി​ൽ നി​രീ​ക്ഷ​ണം ശ​ക്​​ത​മാ​ക്കി​യി​ട്ടു​ണ്ട്. തെ​റ്റാ​യ പ്ര​വ​ണ​ത​ക​ൾ ശ്ര​ദ്ധ​യി​ൽ​പ്പെ​ടു​ന്ന സ്വ​ദേ​ശി​ക​ൾ​ക്കും വി​ദേ​ശി​ക​ൾ​ക്കും മ​ന്ത്രാ​ല​യ​ത്തിന്റെ 112 എ​ന്ന ഹോ​ട്ട് ലൈ​ൻ ന​മ്പ​റി​ൽ വി​ളി​ച്ച​റി​യി​ക്കാ​മെ​ന്ന് അ​ധി​കൃ​ത​ർ അ​റി​യി​ച്ചു

കു​വൈ​ത്ത്​ വി​മാ​ന​ത്താ​വ​ളം ജ​നു​വ​രി ര​ണ്ടി​ന്​ തു​റ​ക്കും

കു​വൈ​ത്ത്​ അ​ന്താ​രാ​ഷ്​​ട്ര വി​മാ​ന​ത്താ​വ​ളം ജ​നു​വ​രി ര​ണ്ടി​ന്​ തു​റ​ക്കും. ജ​നു​വ​രി ഒ​ന്ന്​ വെ​ള്ളി​യാ​ഴ്​​ച അ​വ​സാ​നം വ​രെ ക​ര, ക​ട​ൽ, വ്യോ​മ അ​തി​ർ​ത്തി​ക​ൾ അ​ട​ച്ചി​ടാ​ൻ തീ​രു​മാ​നി​ച്ച​ത്​ പി​ന്നീ​ട്​ തു​ട​രേ​ണ്ടെ​ന്ന്​ തി​ങ്ക​ളാ​ഴ്​​ച ചേ​ർ​ന്ന മ​ന്ത്രി​സ​ഭ യോ​ഗം തീ​രു​മാ​നി​ച്ചു.

നാ​ട്ടി​ൽ കു​ടു​ങ്ങി​ക്കി​ട​ക്കു​ന്ന​വ​രും നാ​ട്ടി​ൽ പോ​കാൻ ആ​ഗ്ര​ഹി​ക്കു​ന്ന​വ​രു​മാ​യ നി​ര​വ​ധി പേ​ർ​ക്ക്​ ആ​ശ്വാ​സ​മാ​ണ്​ ഈ പ്ര​ഖ്യാ​പ​നം. കു​വൈ​ത്ത്​ അ​ന്താ​രാ​ഷ്​​ട്ര വി​മാ​ന​ത്താ​വ​ളം അ​ട​ച്ചി​ടാ​നു​ള്ള തീ​രു​മാ​നം പ്ര​വാ​സി​ക​ളി​ൽ ആ​ശ​ങ്ക സൃ​ഷ്​​ടി​ച്ചി​രു​ന്നു. തീ​രു​മാ​നം നീ​ണ്ടു​പോ​വു​മോ എ​ന്ന​താ​യി​രു​ന്നു ആ​ശ​ങ്ക​യു​ടെ അ​ടി​സ്ഥാ​നം.

സാ​ഹ​ച​ര്യ​ങ്ങൾ വി​ല​യി​രു​ത്തി തു​ടർ തീ​രു​മാ​ന​ങ്ങ​ൾ ഉ​ണ്ടാ​കു​മെ​ന്നാ​ണ്​ അ​ന്ന്​ പ്ര​ഖ്യാ​പി​ച്ച​ത്. ബ്രി​ട്ട​ണിൽ ക​ണ്ടെ​ത്തി​യ കൊ​വി​ഡ് വൈ​റ​സിന്റെ പു​തി​യ വ​ക​ഭേ​ദം പ​ട​രു​ന്ന സാ​ഹ​ച​ര്യ​ത്തി​ലാ​ണ്​ കു​വൈ​ത്ത്​ മു​ൻ​ക​രു​ത​ൽ ന​ട​പ​ടി​ക​ളു​ടെ ഭാ​ഗ​മാ​യി വി​മാ​ന​ത്താ​വ​ള​വും ക​ര, ക​ട​ൽ അ​തി​ർ​ത്തി​ക​ളും അ​ട​ക്കാ​ൻ തീ​രു​മാ​നി​ച്ച​ത്. അ​വ​ധി​ക്ക്​ നാ​ട്ടി​ൽ പോ​യ ആ​യി​ര​ക്ക​ണ​ക്കി​ന്​ പ്ര​വാ​സി​ക​ളും വി​വി​ധ അ​ത്യാ​വ​ശ്യ​ങ്ങ​ൾ​ക്ക്​ ഉ​​ൾ​പ്പെ​ടെ നാ​ട്ടി​ൽ പോ​വാ​നി​രു​ന്ന​വ​രു​മാ​ണ്​ പ്ര​യാ​സ​ത്തി​ലാ​യ​ത്.