ന്യൂഡൽഹി: ഇലക്ട്രിക് കാർ ഭീമൻ ടെസ്ല അടുത്ത വർഷം ആദ്യം ഇന്ത്യയിൽ പ്രവർത്തനം ആരംഭിക്കുമെന്ന് കേന്ദ്ര ഗതാഗത മന്ത്രി നിതിൻ ഗഡ്കരി. ആദ്യം ഇലക്ട്രിക് കാർ വിൽപ്പനയാവും ശ്രദ്ധിക്കുക, തുടർന്ന് ഉപഭോക്താക്കളിൽ നിന്നുള്ള പ്രതികരണത്തിന്റെ അടിസ്ഥാനത്തിൽ ടെസ്ല നിർമ്മാണത്തിലേക്ക് കടക്കുമെന്നും ഗഡ്കരി വ്യക്തമാക്കി.
ആദ്യഘട്ടത്തിൽ തങ്ങളുടെ ബേസ് മോഡൽ 3 ആവും ടെസ്ല ഇന്ത്യൻ വിപണിയിലിറക്കുക. ഇന്ധന ഉപഭോഗം കുറയ‌്ക്കുക വഴി മലിനീകരണം നിയന്ത്രിക്കുക എന്ന ഉദ്ദേശം ലക്ഷ്യം വച്ചാണ് കേന്ദ്രസർക്കാർ വാഹനങ്ങൾക്ക് പ്രചാരം നൽകുന്നത്.