ന്യൂയോർക്ക്​: നിയുക്ത അമേരിക്കൻ വൈസ്​ പ്രസിഡന്റ് കമല ഹാരിസ് കൊവിഡ്​ ​19ന്റെ പ്രതിരോധ വാക്​സിനായ മോഡേണ വാക്​സിൻ സ്വീകരിച്ചു.. കമല ഹരിസ്​ വാക്​സിൻ സ്വീകരിക്കുന്നത്​ ടെലിവിഷനിൽ തത്സമയം സംപ്രേക്ഷണം ചെയ്​തു.

ഡിസംബർ 18ന്​ സർജൻ ജനറൽ ജെറോം ആഡംസ്​ വാക്​സിൻ സ്വീകരിച്ചതിന്​ പിന്നാലെ വാക്​സിൻ സ്വീകരിക്കുന്ന ​പ്രമുഖ വ്യക്തിത്വമാണ്​ കമല ഹാരിസ്​.

എല്ലാവരും വാക്​സിൻ എടുക്കുന്നതിനെ പ്രോത്സാഹിപ്പിക്കാൻ ആഗ്രഹിക്കുന്നു.. വേദനയില്ലാത്തതും സുരക്ഷിതവുമാണ് വാക്സിൻ.. കമല ഹാരിസ്​ പറഞ്ഞു..

കഴിഞ്ഞയാഴ്ച ജോ ബൈഡനും ഭാര്യയും കൊവിഡ്​ പ്രതിരോധ വാക്​സിൻ സ്വീകരിച്ചിരുന്നു. ജനുവരി 20നാണ്​ ജോ ബൈഡൻ അധികാരമേൽക്കുക. വൈറസ്​ വ്യാപനം കൂടുതലുള്ള മേഖലകളിൽ വാക്​സിൻ വിതരണത്തിനും കുത്തിവെപ്പിനും കൂടുതൽ പ്രാധാന്യം നൽകുമെന്ന്​ ബൈഡൻ വ്യക്തമാക്കിയിരുന്നു.