തിരുവനന്തപുരം: നെയ്യാറ്റിൻകരയിൽ ആത്മഹത്യ ചെയ്‌ത ദമ്പതികളുടെ മക്കൾക്ക് വീട് വെച്ചു നൽകാൻ ജില്ലാ കളക്ടറുടെ ശുപാർശ. തർക്ക സ്ഥലത്തിന്റെ ഉടമസ്ഥാവകാശം കോടതിയുടെ അന്തിമ തീർപ്പിന് ശേഷം പരിഗണിക്കാമെന്നും കളക്‌ടർ റിപ്പോർട്ടിൽ പറയുന്നു.

കല്ലടിമുക്കിലെ നഗരസഭ ഫ്ളാറ്റിലോ അല്ലെങ്കിൽ ലൈഫ് പദ്ധതിയിൽ ഉൾപ്പെടുത്തി വീടും സ്ഥലവും പഞ്ചായത്ത് വഴിയോ നൽകാം. രാജന്റെ കുടുംബത്തിന് അർഹമായ ധനസഹായം നൽകണമെന്നും ശുപാർശയിലുണ്ട്. നാളെ ചേരുന്ന മന്ത്രിസഭ യോഗം ഇക്കാര്യത്തിൽ അന്തിമ തീരുമാനം എടുക്കും.