തിരുവനന്തപുരം: കൊവിഡ് വ്യാപനത്തെ തുടർന്ന് സംസ്ഥാനത്ത് ക്രിസ്മസ് നവവത്സരാഘോഷങ്ങൾക്ക് വിലക്കേർപ്പെടുത്തിയ സർക്കാർ എസ്.എഫ്.ഐയുടെ സുവർണ ജൂബിലി ആഘോഷങ്ങൾക്ക് നേരെ കണ്ണടച്ചെന്ന് ആരോപണം ഉയരുന്നു.. മുഖ്യമന്ത്രി പിണറായി വിജയൻ ഉദ്ഘാടനം ചെയ്ത പരിപാടിയിലാണ് കൊവിഡ് നിയന്ത്രണങ്ങളുടെ നഗ്നമായ ലംഘനം നടന്നത്..

പുത്തരിക്കണ്ടം നായനാർ പാർക്കിൽ അടുക്കിയിട്ട കസേരകളിൽ സാമൂഹിക അകലം പാലിക്കാതെയാണ് വിദ്യാർത്ഥികൾ നിറഞ്ഞത്.. മുഖ്യമന്ത്രി പിണറായി വിജയന്റെ സാന്നിദ്ധ്യത്തിൽ. വേദിയിൽ ഇരുപതോളം പേർ. എസ്എഫ്‌ഐയുടെ പിറന്നാൾ ആഘോഷത്തിന് സംസ്ഥാന സർക്കാർ കോവിഡ് വ്യാപന പശ്ചാത്തലത്തിൽ ഏർപ്പെടുത്തിയ പൊതുജനങ്ങൾക്കുള്ള ഒ ചട്ടങ്ങളും നിയമങ്ങളും ബാധകമായില്ല എന്നാണ് വിമർശനമുയരുന്നത്.. പരിപാടിയിൽ മുഖ്യമന്ത്രി പിണറായി വിജയനും കൊവിഡ് നിയന്ത്രണങ്ങളെക്കുറിച്ച് ഒന്നുംമിണ്ടിയില്ല

മേയര്‍ ആര്യ രാജേന്ദ്രനും എസ്എഫ്ഐയുടെ പഴയകാല നേതാക്കളും സമ്മേളനത്തിനെത്തി. ചടങ്ങിൽ എസ്എഫ്ഐയുടെ ചരിത്രം വിവരിക്കുന്ന പുസ്തകം മുഖ്യമന്ത്രി പ്രകാശനം ചെയ്തു