അഹമ്മദാബാദ്: ലൈംഗിക ബന്ധത്തിന് വിചിത്ര രീതികൾ തേടുന്ന ഭർത്താവിൽ നിന്ന് വിവാഹ മോചനം തേടി യുവതി പൊലീസീനെ സമീപിച്ചു.. ബാങ്ക് ക്ലാര്‍ക്കായ ഭര്‍ത്താവില്‍ നിന്നാണ് യുവതി വിവാഹമോചനം തേടിയത്.
ഗുജറാത്തിലെ ന്യൂ മണി നഗറിലാണ് സംഭവം. അടുത്തിടെയാണ് ഇവരുടെ വിവാഹം.. വിചിത്രമായ ലൈംഗിക ആവശ്യങ്ങളുമായാണ് ഭർത്താവ് സമീപിച്ചതെന്നാണ് യുവതി പരാതിയിൽ പറയുന്നത്. എന്നാൽ യുവതി ഇതിന് തയ്യാറായില്ല. ഇതോടെ ഭര്‍ത്താവ് യുവതിയെ ക്രൂരമായി മര്‍ദ്ദിച്ചു. തുടര്‍ന്ന് യുവതി പൊലീസിനെ സമീപിച്ചതോടെയാണ് സംഭവം പുറംലോകം അറിഞ്ഞത്. ഡിസംബർ 11നായിരുന്നു ഇരുവരുടെയും വിവാഹം. സ്ത്രീധനമായി 20 ലക്ഷം രൂപയും നൽകിയതായി യുവതി പറയുന്നു. വിവാഹം കഴിഞ്ഞ് പതിനഞ്ച് ദിവസം കഴിഞ്ഞപ്പോഴാണ് ഭർത്താവ് തന്നെ ഉപദ്രവിക്കാൻ തുടങ്ങിയത്. . ലൈംഗികബന്ധത്തിനിടെ വ്യത്യസ്ത രീതികൾ തുടരാൻ ഭർത്താവ് യുവതിയെ നിർബന്ധിക്കുമായിരുന്നു. എന്നാൽ യുവതിഇതിന് തയ്യാറാവാതെ വരുമ്പോൾ ഇയാൾ ക്രൂരമായി മർദ്ദിച്ചതായി പരാതിയിൽ പറയുന്നു.
ഭർത്താവിന്റെ ഉപദ്രവം സഹിക്കാനാവാതെ വന്നതോടെ യുവതി രണ്ട് മാസം മാതാപിതാക്കൾക്കൊപ്പം പോയി താമസിച്ചു.
തിരികെ വീട്ടിലെത്തിയപ്പോൾ അമ്മായി അമ്മ മർദ്ദിക്കാൻ തുടങ്ങിയതായും യുവതി പറയുന്നു. അതിന് ശേഷമാണ് ഭർത്താവ് അസാധാരണമായ രീതിയിൽ ലൈംഗിക ബന്ധത്തിലേർപ്പെടാൻ തുടങ്ങിയതെന്ന് യുവതി ആരോപിക്കുന്നു. എന്നാൽ ബന്ധുക്കൾ ഇടപെട്ടതിനാൽ കേസ് എടുത്തിരുന്നില്ല. തിങ്കളാഴ്ച വീണ്ടും ഭർത്താവ് അസാധാരണ രീതിയിൽ ലൈംഗികബന്ധത്തിനായി സമ്മർദ്ദം ചെലുത്തി. തുടർന്ന് യുവതി പൊലീസിനെ സമീപിക്കുകയായിരുന്നു.