ചങ്ങരംകുളം: കുട്ടികളുടെ അശ്ളീല വീഡിയോ കാണുകയും പ്രചരിപ്പിക്കുകയും ചെയ്ത സംഭവത്തിൽ ജില്ലയിൽ വ്യാപക പരിശോധന. സംസ്ഥാന പൊലീസ് മേധാവിയുടെ നിർദ്ദേശപ്രകാരം ഓപ്പറേഷൻ പിഹണ്ട് എന്ന പേരിലാണ് സൈബർ പൊലീസിന്റെ സഹായത്തോടെ സംസ്ഥാനവ്യാപകമായി പരിശോധന നടക്കുന്നത്. ചങ്ങരംകുളം സി.ഐ ബഷീർ ചിറയ്ക്കൽ,എസ്‌ഐമാരായ വിജിത്ത്,ഹരിഹരസൂനു എന്നിവരുടെ നേതൃത്വത്തിൽ ചങ്ങരംകുളം പൊലീസ് സ്റ്റേഷൻ പരിധിയിൽ നടന്ന പരിശോധനയിൽ അഞ്ചോളം പേർക്കെതിരെ കേസെടുത്തു.രണ്ട് മൊബൈലുകളും പിടിച്ചെടുത്തു. നടുവട്ടം ഐലക്കാട്, കോലിക്കര, ചങ്ങരംകുളം, എടപ്പാൾ എന്നിവിടങ്ങളിലാണ് ചങ്ങരംകുളം പൊലീസ് പരിശോധന നടത്തിയത്.