പത്തനംതിട്ട : ജില്ലയിൽ ഇന്നലെ 317 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ അഞ്ചു പേർ വിദേശത്തുനിന്നു വന്നവരും എട്ടു പേർ മറ്റ് സംസ്ഥാനങ്ങളിൽ നിന്ന് വന്നവരും, 304 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 62 പേരുണ്ട്.

ജില്ലയിൽ രോഗബാധ സ്ഥിരീകരിച്ച ആന്ധ്ര സ്വദേശികളായ രണ്ടു പേരെയും, തമിഴ്‌നാട് സ്വദേശികളായ നാലു പേരെയും അതത് സംസ്ഥാനങ്ങളുടെ ലിസ്റ്റിലേയ്ക്ക് മാറ്റിയിട്ടുണ്ട്. ജില്ലയിൽ ഇതുവരെ ആകെ 21152 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 17214 പേർ സമ്പർക്കം മൂലം രോഗം ബാധി​ച്ചവരാണ്.
ഇന്നലെ ജില്ലയിൽ കൊവിഡ് ബാധിതരായ രണ്ടു പേരുടെ മരണം റിപ്പോർട്ട് ചെയ്തു. ഡിസംബർ ഒന്നിന് രോഗബാധ സ്ഥിരീകരിച്ച പത്തനംതിട്ട സ്വദേശി (70) യും നവംബർ 27ന് രോഗബാധ സ്ഥിരീകരിച്ച അടൂർ സ്വദേശിനി (62)യുമാണ് മരി​ച്ചത്. കൊവി​ഡ് മൂലം ജില്ലയിൽ ഇതുവരെ 105 പേർ മരണമടഞ്ഞു. കൂടാതെ കൊവിഡ് ബാധിതരായ 23 പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്. ഇന്നലെ 128 പേർ രോഗമുക്തരായി. ആകെ രോഗമുക്തരായവരുടെ എണ്ണം 18664 ആണ്. പത്തനംതിട്ട ജില്ലക്കാരായ 2360 പേർ ചി​കി​ത്സയി​ലാണ്.