അടൂർ : കാഞ്ഞിക്കൽ ദേവീക്ഷേത്രസമിതിയുടെ ഏഴാമത് കൈതയ്ക്കൽ മഹാമുനി പുരസ്കാരത്തിന് നിലയ്ക്കലേത്ത് രവീന്ദ്രൻ നായരുടെ 'ശരി പിന്നെക്കാണാം' എന്ന കഥാസമാഹാരം തിരഞ്ഞെടുത്തു. ചട്ടമ്പിസ്വാമിയുടെ ജീവിതദർശനത്തെ ആസ്പദമാക്കി കൈതയ്ക്കൽ സോമക്കുറുപ്പ് രചിച്ച മഹാമുനി എന്ന കൃതിയുടെ പേരിൽ ഗ്രന്ഥകാരൻ ഏർപ്പെടുത്തിയതാണ് പുരസ്കാരം. ചെങ്ങന്നൂർ കോടുകുളഞ്ഞിക്കരോട്ട് സ്വദേശിയായ നിലയ്ക്കലേത്ത് രവീന്ദ്രൻ നായർ ഭിലായിൽ നിന്ന് പ്രസിദ്ധീകരിക്കുന്ന പ്രമദം മാസികയുടെ പത്രാധിപരാണ്. 11,111 രൂപയും പ്രശസ്തിപത്രവും പൊന്നാടയും ഉൾപ്പെടുന്നതാണ് അവാർഡ്. 27 ന് വൈകിട്ട് കാഞ്ഞിക്കൽ ദേവീക്ഷേത്രത്തിൽ നടക്കുന്ന സമ്മേളനത്തിൽ അവാർഡ് സമ്മാനിക്കും.