പത്തനംതിട്ട : ജില്ലയിൽ ഇന്നലെ 333 പേർക്ക് കൊവിഡ് സ്ഥിരീകരിച്ചു. രോഗം സ്ഥിരീകരിച്ചവരിൽ എട്ടു പേർ വിദേശത്ത് നിന്ന് വന്നവരും 17 പേർ മറ്റ് സംസ്ഥാനങ്ങളിൽ നിന്ന് വന്നവരും, 308 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 85 പേരുണ്ട്.

ഇതുവരെ ആകെ 23225 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 19131 പേർ സമ്പർക്കം മൂലം രോഗം ബാധിച്ചവരാണ്.

ഇന്നലെ രണ്ടു മരണം റിപ്പോർട്ട് ചെയ്തു
1) ഡിസംബർ ഒൻപതിന് രോഗബാധ സ്ഥിരീകരിച്ച അയിരൂർ സ്വദേശി (84) കോഴഞ്ചേരി ജില്ലാ ആശുപത്രിയിൽ ഇതരരോഗങ്ങളുടെ സങ്കീർണതകൾ മൂലം മരിച്ചു.
2) ഡിസംബർ ഒൻപതിന് രോഗബാധ സ്ഥിരീകരിച്ച കല്ലൂപ്പാറ സ്വദേശി (68) കോഴഞ്ചേരി ജില്ലാ ആശുപത്രിയിൽ ഇതരരോഗങ്ങളുടെ സങ്കീർണതകൾ മൂലം മരിച്ചു.

കൊവിഡ് മൂലം ജില്ലയിൽ ഇതുവരെ 105 പേർ മരണമടഞ്ഞു. കൂടാതെ കൊവിഡ് ബാധിതരായ 33 പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്. ജില്ലയിൽ ഇന്നലെ 196 പേർ രോഗമുക്തരായി. ആകെ രോഗമുക്തരായവരുടെ എണ്ണം 20410 ആണ്.