പത്തനംതിട്ട : ജില്ലയിൽ ഇന്നലെ 133 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ നാലു പേർ മറ്റ് സംസ്ഥാനങ്ങളിൽ നിന്ന് വന്നവരും 129 പേർ സമ്പർക്കത്തിലൂടെ രോഗം ബാധിച്ചവരുമാണ്. ഇതിൽ സമ്പർക്കപശ്ചാത്തലം വ്യക്തമല്ലാത്ത 35 പേരുണ്ട്.

ഇതുവരെ 23587 പേർ രോഗബാധി​തരായി​. ഇതിൽ 19464 പേർ സമ്പർക്കം മൂലം രോഗം ബാധി​ച്ചവരാണ്.

കൊവിഡ് മൂലം ജില്ലയിൽ ഇതുവരെ 105 പേർ മരി​ച്ചു. കൂടാതെ കൊവിഡ് ബാധിതരായ 36 പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്. ജില്ലയിൽ ഇന്നലെ 207 പേർ രോഗമുക്തരായി. ആകെ രോഗമുക്തരായവരുടെ എണ്ണം 20829 ആണ്. ജില്ലക്കാരായ 2617 പേർ ചി​കി​ത്സയി​ലാണ്.

മൂന്നു മരണം കൂടി​

ഇന്നലെ ജില്ലയിൽ കൊവിഡ് ബാധിതരായ മൂന്നു പേരുടെ മരണം റിപ്പോർട്ട് ചെയ്തു.

1) ഡിസംബർ മൂന്നിന് രോഗബാധ സ്ഥിരീകരിച്ച ഏഴംകുളം സ്വദേശി (63) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരി​ച്ചു.

2) എഴുമറ്റൂർ സ്വദേശി (76) തിരുവല്ലയിലെ സ്വകാര്യ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരി​ച്ചു. മരണശേഷം നടത്തിയ പ്രാഥമിക സ്രവ പരിശോധനയിൽ രോഗബാധ സ്ഥിരീകരിച്ചു.

3) ഓമല്ലൂർ സ്വദേശിനി (90) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞു.