പത്തനംതിട്ട : ജില്ലയിൽ ഇന്നലെ 404 പേർക്ക് കൊവിഡ് സ്ഥിരീകരിച്ചു.
രോഗം സ്ഥിരീകരിച്ചവരിൽ ഏഴു പേർ വിദേശത്ത് നിന്ന് വന്നവരും, 25 പേർ മറ്റ് സംസ്ഥാനങ്ങളിൽ നിന്ന് വന്നവരും, 372 പേർ സമ്പർക്കത്തിലൂടെ രോഗം ബാധിച്ചവരുമാണ്. സമ്പർക്കപശ്ചാത്തലം വ്യക്തമല്ലാത്ത 69 പേരുണ്ട്.

ജില്ലയിൽ ഇതുവരെ 23991 പേർക്ക് രോഗം സ്ഥിരീകരിച്ചിട്ടുണ്ട്. ഇതിൽ 19836 പേർ സമ്പർക്കം മൂലം രോഗം ബാധിച്ചവരാണ്.
കൊവിഡ് മൂലം ജില്ലയിൽ ഇതുവരെ 105 പേർ മരിച്ചു. കൂടാതെ കൊവിഡ് ബാധിതരായ 40 പേർ മറ്റ് രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞിട്ടുണ്ട്. ജില്ലയിൽ ഇന്നലെ 237 പേർ രോഗമുക്തരായി. ആകെ രോഗമുക്തരായവരുടെ എണ്ണം 21066 ആണ്. പത്തനംതിട്ട ജില്ലക്കാരായ 2780 പേർ ചികിത്സയിലാണ്.

നാലു മരണം കൂടി

ജില്ലയിൽ കൊവിഡ് ബാധിതരായ നാലു പേരുടെ മരണം റിപ്പോർട്ട് ചെയ്തു. 1) ഡിസംബർ ഒൻപതിന് രോഗബാധ സ്ഥിരീകരിച്ച റാന്നിപഴവങ്ങാടി സ്വദേശി (60) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരണമടഞ്ഞു.

2) 10ന് രോഗബാധ സ്ഥിരീകരിച്ച തിരുവല്ല സ്വദേശി (45) കോട്ടയം മെഡിക്കൽ കോളജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

3) മൂന്നിന് രോഗബാധ സ്ഥിരീകരിച്ച മല്ലപ്പളളി സ്വദേശി (71) കോഴഞ്ചേരി ജില്ലാ ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.

4) കോട്ടാങ്ങൽ സ്വദേശിനി (59) കോട്ടയം മെഡിക്കൽ കോളജ് ആശുപത്രിയിൽ ഇതര രോഗങ്ങൾ മൂലമുളള സങ്കീർണതകൾ നിമിത്തം മരിച്ചു.