ശബരിമല : മകരവിളക്ക് ഉത്സവത്തോട് അനുബന്ധിച്ച് 26ന് ശേഷം ശബരിമല ദർശനത്തിനെത്തുന്ന അയ്യപ്പഭക്തർ 48 മണിക്കൂറിനുള്ളിൽ എടുത്ത കൊവിഡ് 19 നെഗറ്റീവ് സർട്ടിഫിക്കറ്റ് കൈയ്യിൽ കരുതണമെന്ന് ആരോഗ്യ വകുപ്പ് നിർദേശിച്ചു. എൻ.എബി.എൽ അക്രഡിറ്റ് ചെയ്തു. ഐസി.എം.ആർ അംഗീകൃത ലബോറട്ടറികളിൽ നിന്ന് തീർത്ഥാടകർക്ക് ആർ.ടി.പി.സി.ആർ, ആർടി ലാംബ്, എക്‌സ്പ്രസ് നാറ്റ് പരിശോധനയ്ക്ക് വിധേയമാകാം. ഡ്യൂട്ടിയിൽ വിന്യസിക്കുന്നതിന് മുമ്പ് പരിശോധന നടത്തിയിട്ടുണ്ടെങ്കിലും ഡ്യൂട്ടിയിലുള്ള ഉദ്യോഗസ്ഥരിൽ നിന്നുള്ള പോസിറ്റീവ് രോഗികളുടെ എണ്ണം കൂടുതലായതിനാൽ, എല്ലാ തീർത്ഥാടകരും ഡ്യൂട്ടിയിലുള്ള ഉദ്യോഗസ്ഥരും ആർ.ടി.പി.സി.ആർ അടിസ്ഥാനമാക്കി കൂടുതൽ പരിശോധനയ്ക്ക് വിധേയമാകണമെന്നും ആരോഗ്യ വകുപ്പ് നിർദേശിച്ചു.