തൊ​ടി​യൂർ: വർ​ഷ​ങ്ങ​ളാ​യി ത​കർ​ന്ന് കുളമായി കി​ട​ന്ന തൊ​ടി​യൂർ പ​ഞ്ചാ​യ​ത്ത് മൂ​ന്നാം വാർ​ഡി​ലെ കാ​വും​ക​ട​മു​ക്ക്​ ​ ത്രി​വേ​ണി ജം​ഗ്​ഷൻ റോ​ഡ് ടാർ ചെ​യ്യു​ന്ന ജോ​ലി​കൾ അ​വ​സാ​ന​ഘ​ട്ട​ത്തിൽ എ​ത്തി.റോ​ഡി​ന്റെ ശോ​ച​നീ​യാ​വ​സ്ഥ നേ​രി​ട്ട് ബോ​ദ്ധ്യ​പ്പെ​ട്ട ആർ.രാ​മ​ച​ന്ദ്രൻഎം.എൽ.എ അ​ദ്ദേ​ഹ​ത്തി​ന്റെ പ്രാ​ദേ​ശി​ക വി​ക​സ​ന ഫ​ണ്ടിൽ നി​ന്ന് 24 ല​ക്ഷം അ​നു​വ​ദി​ച്ചു.തു​ടർ​ന്ന് ടെൻ​ഡർ ന​ട​പ​ടി​കൾ പൂർ​ത്തി​യാ​ക്കി.

വാർത്ത തുണയായി

ക​രാ​റു​കാ​രൻ ര​ണ്ട് മാ​സം​ മു​മ്പ് ടാ​റിം​ഗി​ന് മു​മ്പു​ള്ള മെ​റ്റി​ലിം​ഗ് പ​ണി​കൾ ന​ട​ത്തി. എ​ന്നാൽ ഇ​തോ​ടെ റോ​ഡ് പ​ണി​യു​മാ​യി ബ​ന്ധ​പ്പെ​ട്ട് പു​തി​യ​വി​വാ​ദ​ങ്ങൾ ഉ​യർ​ന്നു.എ​സ്റ്റി​മേ​റ്റിൽ പ​റ​യു​ന്ന അ​ള​വിൽ​ മെ​റ്റൽ ഇ​ട്ടി​ല്ല എ​ന്ന​താ​യി​രു​ന്നു നാ​ട്ടു​കാ​രു​ടെ പ​രാ​തി. ഇ​തോ​ടെ ക​രാ​റു​കാ​രൻ പ​ണി നിറു​ത്തി​പ്പോ​യി.ദി​വ​സ​ങ്ങൾ ക​ഴി​ഞ്ഞ​പ്പോൾ​ റോ​ഡിൽ ഉ​റ​പ്പി​ച്ചി​രു​ന്ന​മെ​റ്റൽ ഇ​ള​കി നി​ര​ന്ന് കാൽ ന​ട​യാ​ത്ര പോ​ലും അ​സാ​ദ്ധ്യ​മാ​യി ഇ​രു​ച​ക്ര​വാ​ഹ​ന​ യാ​ത്ര​ക്കാ​രാ​യ പ​ലർ​ക്കും റോ​ഡിൽ വീ​ണ് ​പ​രി​ക്കേ​റ്റു. റോ​ഡ് ടാർ​ ചെ​യ്യ​ണ​മെ​ന്ന ആ​വ​ശ്യ​വു​മാ​യി പ്ര​ദേ​ശ​വാ​സി​കൾ വീ​ണ്ടും ബ​ന്ധ​പ്പെ​ട്ട അ​ധി​കൃ​ത​രെ സ​മീ​പി​ച്ചെ​ങ്കി​ലും ഫ​ല​മു​ണ്ടാ​യി​ല്ല. ഈ കാ​ര്യ​ങ്ങൾ ചൂ​ണ്ടി​ക്കാ​ട്ടി ക​ഴി​ഞ്ഞ 18​ന് കേ​ര​ള കൗ​മു​ദി വാർ​ത്ത​പ്ര​സി​ദ്ധീ​ക​രി​ച്ചു.ഇ​തേ​ത്തു​ടർ​ന്ന് റോ​ഡ് പ​ണി പു​ന​രാ​രം​ഭി​ക്കു​ന്ന​തി​ന് അ​ധി​കൃ​തർ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​ക​യാ​യി​രു​ന്നു.