ജീവിത പ്രതിസന്ധികളെ അതിജീവിച്ച കരുത്തും രണ്ട് പതിറ്റാണ്ട് നീണ്ട പൊതുജന സേവനങ്ങളും ഉയർത്തിക്കാട്ടിയാണ് ഇളമ്പള്ളൂർ പ​ഞ്ചാ​യ​ത്തി​ലെ പു​ന്ന​മുക്ക് 9-ാം വാർഡിലെ എൽ.ഡി.എ​ഫിന്റെ സൗ​മ്യമു​ഖമായ എ​സ്.ഡി. അ​ഭി​ലാ​ഷ് വോട്ട് തേടുന്നത്.

വി​ദ്യാർ​ത്ഥി പ്ര​സ്ഥാ​ന​ത്തി​ലൂ​ടെ കു​ഴി​മ​തി​ക്കാ​ട് ഗ​വ. ഹ​യർ സെ​ക്കൻഡ​റി സ്​കൂളിൽ ക്ലാ​സ് ലീ​ഡ​റാ​യി വി​ജ​യിച്ചാ​ണ് തുട​ക്കം. പിന്നീട് യുവ​ജ​ന സം​ഘ​ട​ന​യു​ടെ സജീ​വ പ്ര​വർ​ത്ത​ക​നായി, ക​ശുഅ​ണ്ടി തൊ​ഴി​ലാ​ളി​ക​ളു​ടെ അ​വ​കാ​ശ​ങ്ങൾ​ക്കാ​യി നി​രവ​ധി സ​മ​ര​ങ്ങൾ​ക്ക് നേ​തൃത്വം നൽകി അ​റ​സ്റ്റ് വ​രി​ച്ചു. തൊ​ഴി​ലുറ​പ്പ് തൊ​ഴി​ലാ​ളി​ സം​ഘ​ട​ന​യു​ടെ സംസ്ഥാ​ന വർ​ക്കിം​ഗ് ക​മ്മി​റ്റി​യംഗം, ഇ​ള​മ്പള്ളൂർ പ​ഞ്ചായ​ത്ത് കാർഷി​ക വിക​സ​ന സ​മി​തി​യം​ഗം എന്നീ നി​ലകളിൽ കർ​ഷ​ക​രു​ടെ പ്ര​ശ്‌​ന​ങ്ങളിൽ ഇ​ട​പെ​ടുന്നു. സ​ഹ​ക​ര​ണ - ക്ഷീ​ര മേ​ഖ​ല​യി​ലെ ഇടപെടലും ശ്രദ്ധേയമാണ്.
2010-15 കാ​ല​യ​ളവിൽ ഇ​ള​മ്പള്ളൂർ ഗ്രാ​മ​പ​ഞ്ചായ​ത്ത് വി​ദ്യാ​ഭ്യാ​സ - ആ​രോ​ഗ്യ സ്​റ്റാൻ​ഡിം​ഗ് ക​മ്മി​റ്റി ചെ​യർ​മാ​നാ​യി​രി​ക്കെ നി​രവ​ധി പ​ദ്ധ​തി​കൾ വി​ജ​യി​പ്പി​ക്കു​ന്ന​തി​ന് നേ​തൃത്വം നൽകി. ഇരുപതാമ​ത്തെ വ​യസിലാണ് ട്രേ​ഡ് യൂ​ണിയ​ൻ പ്ര​വർ​ത്ത​ക​നായത്. ഓ​ട്ടോ​റിക്ഷ ഡ്രൈവർ, കോൺ​ക്രീ​റ്റ് പണി, പെ​യിന്റിം​ഗ് തുടങ്ങി ജീവിക്കാനായി പല വേഷങ്ങളും അണിഞ്ഞിട്ടുണ്ട്. ല​ളി​തമാ​യ ജീ​വി​തമാണ് പൊ​തുജന സമ്മതനാക്കിയത്. ഇ​പ്പോൾ നി​യ​മ​ വി​ദ്യാർ​ത്ഥി​ കൂടിയാണ്.
സി.പി.ഐ കു​ണ്ട​റ മണ്ഡ​ലം ക​മ്മി​റ്റി​യംഗം, എ.ഐ.ടി.യു.സി ജില്ലാ എ​ക്‌​സി​ക്യു​ട്ടീ​വ് അം​ഗം, ഇ​ള​മ്പള്ളൂർ പ​ഞ്ചായ​ത്ത് ആ​സൂത്ര​ണ സ​മി​തി​യം​ഗം എ​ന്നീ നി​ല​കളിൽ പ്ര​വർത്തിക്കുന്നു. 23 വർ​ഷ​മാ​യി പൊ​തു​സേ​വ​ന​ത്തി​ന്റെ പാ​തയിൽ നി​ര​വ​ധി ജ​നകീ​യ പ്ര​ക്ഷോ​ഭ​ങ്ങളിൽ അ​ണി​ചേർ​ന്നി​ട്ടുണ്ട്. ഭാര്യ: പ​രേ​തയായ ആർ. മ​കൻ: എ.എ​സ്. ആ​ദർശ്.
എ​സ്.ഡി. അ​ഭി​ലാ​ഷി​ന്റെ തി​ര​ഞ്ഞെ​ടു​പ്പ് പ്ര​വർ​ത്ത​നങ്ങൾക്ക് ക​രു​ത്ത് പ​ക​രുന്ന​ത് വാർ​ഡ് തി​ര​ഞ്ഞെ​ടു​പ്പ് ക​മ്മി​റ്റി പ്ര​സിഡന്റ് ര​തീ​ഷ് ബാബു, സെ​ക്രട്ട​റി പ്ര​ശാന്ത്, സി.പി.ഐ നേ​താ​ക്കളാ​യ സു​ന്ദരൻ, ബിനു, മ​ണി എ​ന്നി​വരാണ്.