ചാത്തന്നൂർ: ചിറക്കര പഞ്ചായത്തിലെ കണ്ണേറ്റ വാർഡിലെ കാപ്പക്‌സ് പോളിംഗ് സ്റ്റേഷനിൽ വോട്ടിംഗ് യന്ത്രം തകരാറിലായതിനെ തുടർന്ന് രണ്ട് മണിക്കൂറോളം പോളിംഗ് തടസപ്പെട്ടു. ബൂത്തിന് മുന്നിൽ നടന്ന നിസാര വാക്കേറ്റങ്ങൾ ഒഴിച്ചാൽ ചാത്തന്നൂരിൽ പൊളിംഗ് പൊതുവെ സമാധാന പരമായിരുന്നു.

 ഇത്തിക്കരയിൽ 73.22 ശതമാനം പോളിംഗ്

തദ്ദേശ തിരഞ്ഞെടുപ്പിൽ ഇത്തിക്കര ബ്ലോക്കിന് കീഴിലെ അഞ്ച് പഞ്ചായത്തുകളിലായി 73.22 ശതമാനം പോളിംഗ് രേഖപ്പെടുത്തി. ചിറക്കര -15,099 (76.14%), പൂതക്കുളം - 18,294 (75.1%), കല്ലുവാതുക്കൽ - 29,517 (71.1%), ചാത്തന്നൂർ - 18763 (72.45%), ആദിച്ചനല്ലൂർ - 19,999 (73. 39%) എന്നിങ്ങനെയാണ് വോട്ട് നില.