പ​ത്ത​നാ​പു​രം:ഭാര്യയും മകനും ജ്യേഷ്ഠനും സഹോദരിമാരും പലകാലങ്ങളിൽ മരണമടഞ്ഞതിന്റെ തീരാവേദനയും രോഗവും താങ്ങാനാവാതെ മ​കന്റെ ക​ല്ല​റ​യ്​ക്ക് സ​മീ​പം ചി​ത​യൊ​രു​ക്കി ആ​ത്മ​ഹത്യയ്ക്ക് ശ്രമിച്ച പിതാവ് രണ്ടാം ദിവസം മരണത്തിന് കീഴടങ്ങി. പ​ത്ത​നാ​പു​രം പി​ട​വൂർ അ​രി​വി​ത്ത​റ ശ്രീ​ശൈ​ല​ത്തിൽ റിട്ട. എയർഫോഴ്സ് ഉദ്യോഗസ്ഥൻ രാ​ഘ​വൻ നാ​യ​രാ​ണ് (72) മരിച്ചത്.ചെ​വ്വാ​ഴ്​ച രാ​ത്രി പ​തി​നൊന്നോ​ടെ​യാ​യി​രു​ന്നു ആത്മഹത്യാശ്രമം.

മസ്തിഷ്‌ക മുഴ ബാ​ധി​ച്ച് പ​തി​ന​ഞ്ച് വർ​ഷം മുൻപ് ഏ​ക മ​കൻ ഹ​രി​കു​മാ​റും അർ​ബു​ദത്തെ തു​ടർ​ന്ന് പ​ത്തുവർ​ഷം മുൻപ് ഭാ​ര്യ സു​ധ​യും മ​രിച്ചിരു​ന്നു. കൂടാതെ മൂ​ന്ന് സ​ഹോ​ദ​രി​മാ​രു​ടെ​യും അ​ന​ന്ത​ര​വന്റെയും മ​ര​ണം രാ​ഘ​വൻ നാ​യ​രെ മാ​ന​സി​ക​മാ​യി തകർത്തു. സു​ഹൃ​ത്തി​നെ പോ​ലെ സ്‌​നേ​ഹി​ച്ചി​രു​ന്ന ജ്യേഷ്ഠൻ പ്ര​ഭാ​ക​രൻ നാ​യരും ക​ഴി​ഞ്ഞ വർ​ഷം മ​രിച്ചതോടെ രാഘവൻ നായർ അതീവ ദുഃഖി​ത​നും നി​രാ​ശ​നു​മാ​യിരുന്നെന്ന് ബന്ധുക്കൾ പറയുന്നു. ഇതിനിടെ വി​ട്ടു​മാ​റാ​ത്ത ത​ല​വേ​ദ​ന​യെ തു​ടർ​ന്ന് ക​ഴി​ഞ്ഞയാ​ഴ്​ച ന​ട​ത്തി​യ പ​രി​ശോ​ധ​ന​യിൽ മസ്തിഷ്‌ക മുഴ ക​ണ്ടെ​ത്തി. തു​ടർ​ന്നാണ് മ​കന്റെ സ്‌മൃ​തികു​ടീ​ര​ത്തി​ന് സ​മീ​പം സ്വ​യം ചി​ത​യൊ​രുക്കിയത്. വിറകും മറ്റും സ്വയം നിരത്തി തീകൊളുത്തിയശേഷം അതിലേക്ക് ചാടുകയായിരുന്നു.
നി​ല​വി​ളി കേ​ട്ട് ഓ​ടി​യെ​ത്തി​യ അ​യൽ​വാ​സി​ക​ളും ബ​ന്ധു​ക്ക​ളും ചേർ​ന്ന് പു​ന​ലൂർ താ​ലൂ​ക്ക് ആ​ശു​പ​ത്രി​യിൽ എത്തിച്ചു. ഗുരുതരമായി പൊള്ളലേറ്റതിനാൽ തി​രു​വ​ന​ന്ത​പു​രം മെ​ഡി​ക്കൽ കോ​ളേ​ജ് ആശുപത്രിയിലേക്ക് മാറ്റിയെങ്കിലും ഇ​ന്ന​ലെ രാ​വി​ലെ ഒൻ​പതോടെ മരിച്ചു.

ആ​ത്മ​ഹ​ത്യ​യ്​ക്ക് ഒ​രു​ങ്ങു​ന്ന​തി​ന് മുൻ​പാ​യി പാൽ, പ​ത്രം, ച​ല​ച​ര​ക്ക് - സ്റ്റേ​ഷ​ന​റി ക​ട​ക​ളി​ലെ പറ്റും മറ്റും തീർ​ത്തി​രു​ന്നു. മ​റ്റ് ഇ​ട​പാ​ടു​കൾ അ​ടു​ത്ത ബ​ന്ധു​വി​നെ ബോ​ധി​പ്പി​ച്ചി​രു​ന്നതായി ബ​ന്ധു​ക്കൾ പ​റ​യു​ന്നു. സം​സ്​കാ​രം ഇ​ന്ന് വൈ​കി​ട്ട് നാലോടെ വീ​ട്ടു​വ​ള​പ്പിൽ ന​ടക്കും. പത്തനാപുരം പൊലീസ് കേസെടുത്തു.