കൊല്ലം: കൊല്ലം ജില്ലാ ടേബിൾ ടെന്നീസ് അസോസിയേഷൻ സംഘടിപ്പിച്ച ജില്ലാ ടേബിൾ ടെന്നീസ് ചാമ്പ്യൻഷിപ്പ് കൊല്ലം എ.സി.പി (ക്രൈം ബ്രാഞ്ച്) അഭിലാഷ് ഉദ്ഘാടനം ചെയ്തു. തങ്കശേരി ഇൻഫന്റ് ജീസസ് ആംഗ്ളോ ഇന്ത്യൻ ഹയർ സെക്കൻഡറി സ്കൂൾ പ്രിൻസിപ്പൽ ഡോ. സിൽവി ആന്റണി വിജയികൾക്കുള്ള സമ്മാനദാനം നിർവഹിച്ചു. ഈ മാസം 26, 27 തീയതികളിലായി എറണാകുളം റീജിയണൽ സ്പോ‌ർട്സ് സെന്ററിൽ വച്ച് നടക്കുന്ന സംസ്ഥാനതല കേരളാ ടേബിൾ ടെന്നീസ് ചാമ്പ്യൻഷിപ്പിൽ പങ്കെടുക്കുന്നതിനുള്ള ജില്ലാ ടീമിനെയും തിരഞ്ഞെടുത്തു.
മത്സര വിജയികൾ (ഒന്ന്, രണ്ട്, മൂന്ന്, നാല് സ്ഥാനം നേടിയവർ): സബ് ജൂനിയർ ഗേൾസ് - ജൂനിയർ ഗേൾസ് - യൂത്ത് ഗേൾസ് ആൻഡ് വിമൺ: ജെന്നിഫർ ഫ്രെഡി, ഹൈഫ ബൈജു, ഹേബ ബൈജു. സബ് ജൂനിയർ ബോയ്സ് - ജൂനിയർ ബോയ്സ്: പ്രണവ് എസ്. പ്രമോദ്, ആദിർ അനൂപ്, എസ്. രാജേഷ്. യൂത്ത് ബോയ്സ്: മുഹമ്മദ് അൽത്താഫ്, പ്രണവ് എസ്. പ്രമോദ്, അലീൻ ക്ളീറ്റസ്, അഭിറാം. മെൻ: ബിനാൽ ബോസ്‌വെൽ, മുഹമ്മദ് അൽത്താഫ്, പ്രണവ് എസ്. പ്രമോദ്. വെറ്ററൻസ്: അനിൽ ശിവപ്രസാദ്, കിരൺ എബ്രഹാം തോമസ്.