ച​വ​റ: മു​ന്ന​ണി സ്ഥാ​നാർ​ത്ഥി​കൾ പോ​ലും വൻ​ പ​രാ​ജ​യം ഏ​റ്റു​വാ​ങ്ങി​യി​ട്ടും അ​ടി​പ​ത​റാ​തെ ആ​യി​ര​ത്തി​ല​ധി​കം വോ​ട്ടു​കൾ നേ​ടി ത​ല ഉ​യർ​ത്തി നി​ന്ന ഒ​രു സ്വ​ത​ന്ത്രനു​ണ്ട് ച​വ​റ​യിൽ. ച​വ​റ ബ്ലോ​ക്ക് പ​ഞ്ചാ​യ​ത്ത് കോ​വിൽ​ത്തോ​ട്ടം ഡി​വി​ഷ​നിൽ നി​ന്ന് മ​ത്സ​രി​ച്ച ആ​നേ​പ്പിൽ ബ്രി​ജേ​ഷ് എ​സ്. നാ​ഥ്. ഏ​തെ​ങ്കി​ലും പാർ​ട്ടി​യു​ടെ​യോ മു​ന്ന​ണി​യു​ടെ​യോ പിൻ​ബ​ല​മി​ല്ലാ​തെ ഒ​റ്റ​യ്​ക്ക് മ​ത്സ​രി​ച്ച ബ്രി​ജേ​ഷ് 1075 വോ​ട്ടു​കൾ നേടി. ചെ​റു​ശ്ശേ​രി ഭാ​ഗം, കോ​വിൽ​ത്തോ​ട്ടം, മേ​ക്കാ​ട്, ചി​റ്റൂർ, പൊ​ന്മ​ന, ക​രി​ത്തു​റ എ​ന്നി​ങ്ങ​നെ അ​ഞ്ച് വാർ​ഡു​കൾ ചേർ​ന്ന​താ​ണ് കോ​വിൽ​ത്തോ​ട്ടം ഡി​വി​ഷൻ. ഓ​രോ വാർ​ഡു​ക​ളി​ലും ശ​രാ​ശ​രി 180ഓ​ളം വോ​ട്ടു​കൾ ബ്രി​ജേ​ഷ് എ​സ് നാ​ഥി​ന് നേ​ടാ​നാ​യി എ​ന്ന​തും ശ്ര​ദ്ധേ​യ​മാ​ണ്. ബ്രി​ജേ​ഷി​നെ ത​ങ്ങൾ​ക്കൊ​പ്പം ചേർ​ത്ത് നിറുത്താ​നു​ള്ള ശ്ര​മ​ങ്ങ​ളി​ലാ​ണ് ഓ​രോ പാർ​ട്ടി​ക​ളും. സി. പി .എം, യു.ഡി.എഫ്, ബി .ജെ .പി തു​ട​ങ്ങി ഒ​ട്ടു​മി​ക്ക പാർ​ട്ടി​ക​ളും ത​ങ്ങ​ളോ​ടൊ​പ്പം ചേ​ര​ണ​മെ​ന്ന ആ​വ​ശ്യ​വു​മാ​യി ഇ​തി​നോ​ട​കം ബ്രി​ജേ​ഷി​നെ സ​മീ​പി​ച്ചി​ട്ടു​ണ്ട്. ച​വ​റ​യി​ലെ ജീ​വ​കാ​രു​ണ്യ പ്ര​വർ​ത്ത​ന​ങ്ങ​ളി​ലും സാ​മൂ​ഹി​ക രം​ഗ​ത്തും സ​ജീ​വ​മാ​യി​ട്ടു​ള്ള ബ്രി​ജേ​ഷ് എ​സ് .നാ​ഥി​ന്റെ സ്വാ​ധീ​നം ത​ങ്ങൾ​ക്ക് അ​നു​കൂ​ല​മാ​ക്കി​യെ​ടു​ക്കാ​നു​ള്ള ത​യ്യാ​റെ​ടു​പ്പി​ലാ​ണ് പ​ല പാർ​ട്ടി​ക​ളും. അ​തേ​സ​മ​യം ഉ​ചി​ത​മാ​യ സ​മ​യ​ത്ത് കൃ​ത്യ​മാ​യ രാ​ഷ്ട്രീ​യ നി​ല​പാ​ട് സ്വീ​ക​രി​യ്​ക്കു​മെ​ന്നും ഇ​പ്പോൾ ഒ​ന്നും പ​റ​യാ​റാ​യി​ട്ടി​ല്ലെ​ന്നും ച​വ​റ​യി​ലെ ജ​ന​ങ്ങൾ​ക്കൊ​പ്പം എ​പ്പോ​ഴും ഏ​തു കാ​ര്യ​ത്തി​നും സ​ജീ​വ​മാ​യി താൻ ഉ​ണ്ടാ​കു​മെ​ന്നും ബ്രി​ജേ​ഷ് പ​റ​ഞ്ഞു.