പൂയപ്പള്ളി : വെളിയം പടിഞ്ഞാറ്റിൻകര കായിക്കര ക്വാറിക്ക് സമീപമുള്ള ഉദയമന്ദിരത്തിൽ ഹരികൃഷ്ണന്റെ മോട്ടോർ ബൈക്ക് മോഷ്ടിച്ച കേസിലെ പ്രതികളെ പിടികൂടി. പാരിപ്പള്ളി ചിറക്കര, കുളത്തൂർകോണം, ആതിര ഭവനത്തിൽ അച്ചു എന്ന് വിളിക്കുന്ന അജിത് (24),​ ചാത്തന്നൂർ മീനാട് ഇത്തിക്കര വയലിൽസെയ്തലി (21) ,​ചാത്തന്നൂർ മീനാട് താഴം സ്വദേശി സുറുമി മൻസിലിൽ ഷാജഹാൻ (25),​ പരവൂർ വരുവിള കുന്നയിൽ ജയൻ(24)​ എന്നിവരെയാണ് പൂയപ്പള്ളി സി.ഐ. വിനോദ് ചന്ദ്രൻ, എ.എസ്.എ രാജേഷ് എന്നിവരുടെ നേതൃത്വത്തിലുള്ള സംഘം പിടികൂടിയത്. കഴിഞ്ഞ നവംബർ 26നാണ് ഹരികൃഷ്ണന്റെ ബൈക്ക് മോഷണം പോയത്.