കൊല്ലം: കൊ​ച്ചേ​രി​മു​ക്കിലെ കാ​ലി​ത്തീറ്റ കടയിൽ നിന്ന് നി​രോ​ധി​ത​ പു​കയി​ല ഉ​ത്​പ​ന്നങ്ങൾ പൊലീസ് പിടിച്ചെടുത്തു. പോരുവ​ഴി അ​മ്പ​ല​ത്തും​ഭാ​ഗം കാരൂർ വീട്ടിൽ ഫി​റോ​സി​ന്റെ (37) കടയിലും വീട്ടിലും നടത്തിയ പരിശോധനയിലാണ് 65,000 രൂപ വിലവരുന്ന നി​രോ​ധി​ത​ പു​കയി​ല ഉ​ത്​പ​ന്നങ്ങൾ ക​ണ്ടെ​ത്തി​യത്. കൊ​ച്ചേ​രി​മുക്കിലെ പ്രതിയുടെ വീട്ടിന്റെ പു​റ​കിലെ ഉ​പ​യോ​ഗ​ശൂ​ന്യമാ​യ ബാ​ത്ത്‌​റൂ​മിൽ പരി​ശോ​ധന നടത്തിയപ്പോഴാണ് 1200 പാ​യ്​ക്ക​റ്റ് നി​രോ​ധി​ത​ പു​കയി​ല ഉ​ത്​പ​ന്നങ്ങൾ ര​ണ്ട് ചാ​ക്കു​ക​ളി​ൽ ഒ​ളി​പ്പി​ച്ച നി​ലയിൽ കണ്ടെത്തിയത്. സമാനമായ കേസുകളിൽ ഫിറോസിനെ മുൻ​പ് നാ​ല് തവണ പൊ​ലീ​സ് പി​ടി​കൂടിയിട്ടുണ്ട്.
കോ​ട​തിയിൽ ഹാ​ജ​രാക്കി​യ പ്ര​തി​യെ 14 ദി​വ​സ​ത്തേ​ക്ക് റി​മാൻ​ഡ് ചെ​യ്തു. നിരോധിത പുകയില ഉത്പന്നം വിറ്റതുവഴി ലഭിച്ച 13,500 രൂ​പയും പ്ര​തി​യിൽ നിന്ന് ക​ണ്ടെ​ടുത്തു. ചെറി​യ തു​ക​യ്​ക്ക് ത​മി​ഴ്‌​നാ​ട്ടിൽ പോ​യി കൊ​ണ്ടു​വ​രു​ന്ന പു​കയി​ല ഉ​ത്​പ​ന്നങ്ങൾ വൻ​തു​ക​യ്​ക്കാ​ണ് പ്ര​തി വി​റ്റി​രു​ന്നത്. ഫി​റോ​സി​ന്റെ ക​ട​യുടെ ലൈ​സൻ​സ് റ​ദ്ദാക്കാനുള്ള ന​ട​പ​ടി​ കൈ​ക്കൊ​ള്ളു​മെ​ന്ന് പൊ​ലീ​സ് അ​റി​യിച്ചു. എ​സ്.ഐ പി. ശ്രീ​ജിത്ത്, എ.എസ്.ഐമാരായ ഹരി, ശി​വ​കു​മാർ, മധു, സി.പി.ഒ. അ​രുൺ എന്നിവരാണ് അ​ന്വേ​ഷ​ണ​സം​ഘ​ത്തിലുണ്ടായിരുന്നത്.