മാള: ഡി.സി.സി പ്രസിഡന്റിന്റെ മലക്കം മറിച്ചിലിൽ മാളയിലെ കോൺഗ്രസിൽ ഔദ്യോഗിക അനൗദ്യോഗിക സ്ഥാനാർത്ഥി തർക്കം പൊടിപൊടിക്കുന്നു. മാള പഞ്ചായത്തിലെ വാർഡ് 14 ൽ ഡി.സി.സി പ്രസിഡന്റ് എം.പി വിൻസെന്റിന്റെ മാറ്റിമറിച്ചുള്ള കത്ത് പ്രകാരം ഔദ്യോഗിക സ്ഥാനാർത്ഥിയെ കണ്ടെത്താനാകാതെ പാർട്ടി പ്രവർത്തകർ ആശങ്കയിലാണ്. കോൺഗ്രസിലെ എ, ഐ വിഭാഗങ്ങൾ തമ്മിലാണ് ഔദ്യോഗിക- അനൗദ്യോഗിക തർക്കം രൂക്ഷമായത്. കാവനാട് വാർഡ് 14 ൽ സ്ഥാനാർത്ഥി നിർണയത്തിന്റെ തുടക്കം മുതൽ സംസ്ഥാന നേതാക്കൾ ഇടപെട്ടാണ് ചർച്ച നടന്നിട്ടുള്ളത്.

ഉമ്മൻ ചാണ്ടിയും രമേശ് ചെന്നിത്തലയും ഉൾപ്പെടെയുള്ളവർ ഇടപെട്ടാണ് എങ്ങും തൊടാതെ സ്ഥാനാർത്ഥി നിർണ്ണയം നടത്തിയത്. നവംബർ 12 ന് കോൺഗ്രസിന്റെ ഔദ്യോഗിക സ്ഥാനാർത്ഥിയായി ജോഷി കാഞ്ഞൂത്തറയ്ക്ക് ഡി.സി.സി പ്രസിഡന്റ് ചിഹ്നം അനുവദിച്ച് കത്ത് നൽകി. എന്നാൽ പിന്നീട് ഉമ്മൻ ചാണ്ടി അടക്കമുള്ള എ വിഭാഗം നേതാക്കൾ ഇടപെട്ടതോടെ 22 ന് ഡി.സി.സി നേതൃത്വം എ വിഭാഗത്തിലെ സെൻസൻ അറയ്ക്കലിന് ചിഹ്നം അനുവദിച്ച് കത്ത് നൽകി. ഇതോടെ രണ്ട് കൈപ്പത്തികൾ വരണാധികാരിക്ക് മുന്നിലെത്തിയതോടെ അവസാനം നൽകിയ കത്തിനെ ഔദ്യോഗികമായി വരണാധികാരി പ്രഖ്യാപിച്ചു. അങ്ങനെ സെൻസൻ അറയ്ക്കലിനായി ചിഹ്നം. എന്നാൽ പിറ്റേന്ന് ഡി.സി.സി പ്രസിഡന്റ് വീണ്ടും നിലപാട് മാറ്റി ജോഷി കാഞ്ഞൂത്തറയെ ഔദ്യോഗിക സ്ഥാനാർത്ഥിയാക്കി കത്ത് നൽകി. സെൻസനെ ഒഴിവാക്കിയെന്നുമാണ് എം.പി വിൻസെന്റിന്റെ കത്ത്. ഇപ്പോൾ ഇരു വിഭാഗവും ഔദ്യോഗിക സ്ഥാനാർത്ഥി തങ്ങളാണെന്ന വാദവുമായി പ്രവർത്തനം ഊർജ്ജിതമാക്കിയിരിക്കുകയാണ്. സെൻസൻ അറയ്ക്കൽ കൈപ്പത്തി ചിഹ്നത്തിലും ജോഷി കാഞ്ഞൂത്തറ കുടം ചിഹ്നത്തിലുമാണ് ജനവിധി തേടുന്നത്. എ വിഭാഗക്കാർ ചോദിച്ചാൽ സെൻസനാണ് ഔദ്യോഗികമെന്നും ഐ വിഭാഗക്കാർ ചോദിച്ചാൽ ജോഷി കാഞ്ഞൂത്തറയാണ് ഒറിജിനലെന്നും ഡി.സി.സി നേതൃത്വം നിലപാട് സ്വീകരിക്കുന്ന നിലയിലാണ് കാര്യങ്ങൾ.

സ്ഥാ​നാ​ർ​ത്ഥി​ക്കെ​തി​രെ​ ​അ​ക്ര​മം:
ചെ​ന്നി​ത്ത​ല​ ​പ്ര​തി​ഷേ​ധി​ച്ചു

തൃ​ശൂ​ർ​:​ ​ക​യ്പ​മം​ഗ​ലം​ ​ജി​ല്ലാ​ ​പ​ഞ്ചാ​യ​ത്ത് ​ഡി​വി​ഷ​നി​ൽ​ ​മ​ത്സ​രി​ക്കു​ന്ന​ ​യു.​ഡി.​എ​ഫ് ​വ​നി​താ​ ​സ്ഥാ​നാ​ർ​ത്ഥി​ ​വാ​ണി​ ​പ്ര​യാ​ഗി​ന്റെ​ ​വീ​ടാ​ക്ര​മി​ച്ച് ​സ്‌​കൂ​ട്ട​ർ​ ​ക​ത്തി​ക്കു​ക​യും,​ ​കൊ​ല​വി​ളി​ ​ന​ട​ത്തു​ക​യും​ ​ചെ​യ്ത​ ​സം​ഭ​വ​ത്തി​ൽ​ ​പ്ര​തി​പ​ക്ഷ​ ​നേ​താ​വ് ​ര​മേ​ശ് ​ചെ​ന്നി​ത്ത​ല​ ​പ്ര​തി​ഷേ​ധി​ച്ചു.​ ​പ​രാ​ജ​യ​ ​ഭീ​തി​യി​ൽ​ ​സി.​പി.​എം​ ​നേ​തൃ​ത്വം​ ​ജി​ല്ല​യി​ലാ​കെ​ ​അ​ക്ര​മം​ ​അ​ഴി​ച്ചു​വി​ടു​ക​യാ​ണെ​ന്നും​ ​വാ​ണി​യും​ ​അ​വ​രു​ടെ​ ​പി​ഞ്ചു​കു​ട്ടി​യും​ ​കി​ട​ന്നു​റ​ങ്ങു​ന്ന​ ​മു​റി​ക്ക് ​സ​മീ​പ​ത്താ​ണ് ​അ​ക്ര​മി​ക​ൾ​ ​സ്‌​കൂ​ട്ട​റി​ന് ​തീ​ ​കൊ​ടു​ത്ത​തെ​ന്നും​ ​അ​തി​ന് ​ജ​ന​ങ്ങ​ൾ​ ​തി​ര​ഞ്ഞെ​ടു​പ്പി​ൽ​ ​മ​റു​പ​ടി​ ​ന​ൽ​കു​മെ​ന്നും​ ​ര​മേ​ശ് ​ചെ​ന്നി​ത്ത​ല​ ​പ്ര​സ്താ​വ​ന​യി​ൽ​ ​പ​റ​ഞ്ഞു.

ഇ​ന്ന് ​​യു.​ഡി.​എ​ഫ് ​ക​രി​ദി​നം

ക​യ്പ​മം​ഗ​ല​ത്ത് ​യു.​ഡി.​എ​ഫ് ​സ്ഥാ​നാ​ർ​ത്ഥി​ ​വാ​ണി​ ​പ്ര​യാ​ഗി​നെ​തി​രെ​ ​ന​ട​ന്ന​ ​അ​ക്ര​മ​ത്തി​ൽ​ ​പ്ര​തി​ഷേ​ധി​ച്ച് ​ഇ​ന്ന് ​ജി​ല്ല​യി​ൽ​ ​യു.​ഡി.​എ​ഫ് ​ക​രി​ദി​നം​ ​ആ​ച​രി​ക്കു​മെ​ന്ന് ​ചെ​യ​ർ​മാ​ൻ​ ​ജോ​സ​ഫ് ​ചാ​ലി​ശേ​രി​ ​അ​റി​യി​ച്ചു.