തൃശൂർ: യു.ഡി.എഫ് നേതാക്കളെ കള്ളക്കേസിൽ കുടുക്കാൻ സർക്കാരിന്റെ ചട്ടുകമായി പ്രവർത്തിക്കുകയാണ് സ്പീക്കർ ശ്രീരാമകൃഷ്ണൻ ചെയ്യുന്നതെന്ന് യു.ഡി.എഫ് കൺവീനർ എം.എം ഹസൻ പത്രസമ്മേളനത്തിൽ പറഞ്ഞു. ബാർ കോഴക്കേസിൽ മുൻ മന്ത്രിമാരായ കെ. ബാബു, വി.എസ് ശിവകുമാർ എന്നിവർക്കെതിരെ അനുമതി നേടിയ സർക്കാരിന്റെ കത്ത് തെളിവില്ലാത്തതിനെ തുടർന്നാണ് ഗവർണ്ണർ തള്ളിയത്.

എന്നാൽ ഇതേ പരാതിയിലാണ് പ്രതിപക്ഷ നേതാവിനെതിരെ പ്രോസിക്യൂഷന് സ്പീക്കർ അനുമതി നൽകിയത്. ഗവർണ്ണർ രേഖകളില്ലാതെ അനുമതി നിരാകരിച്ച സാഹചര്യത്തിൽ തെറ്റ് തിരുത്താൻ സ്പീക്കർ തയ്യാറാകണമെന്ന് യു.ഡി.എഫ് കൺവീനർ ആവശ്യപ്പെട്ടു. തന്റെ വിവേചനാധികാരം നീതിപൂർവ്വകവും നിഷ്പക്ഷവുമായും നടപ്പിലാക്കേണ്ട പദവിയാണ് സ്പീക്കറുടേത്. എന്നാൽ രാഷ്ട്രീയ പക്ഷപാതത്തോടെയാണ് സ്പീക്കർ പ്രവർത്തിക്കുന്നത്. എന്തുകൊണ്ടാണ് ഈ കേസിൽ നീതിപൂർവക തീരുമാനം എടുക്കാൻ കഴിയാതിരുന്നതെന്ന് സ്പീക്കർ പൊതുസമൂഹത്തോട് വിശദീകരിക്കണം. ഏറ്റവും കൂടുതൽ ആരോപണം നേരിടുന്ന വ്യക്തിയായി സ്പീക്കർ മാറി. സ്പീക്കർക്കെതിരായ ഉയർന്ന ആരോപണങ്ങൾ നിയമസഭയുടെ പാരമ്പര്യത്തിനേറ്റ കളങ്കമാണെന്നും ഹസൻ പറഞ്ഞു. കെ.പി.സി.സി ജനറൽ സെക്രട്ടറി ഒ. അബ്ദുറഹിമാൻകുട്ടി, അനിൽ അക്കര എം.എൽ.എ എന്നിവരും പത്രസമ്മേളനത്തിൽ പങ്കെടുത്തു.

മിഷനുകൾ രൂപീകരിച്ചത് നേതാക്കൾക്ക് ശമ്പളം പറ്റാൻ

തൃശൂർ: അഴിമതിക്കുള്ള വഴിയൊരുക്കലാണ് ലൈഫ് മിഷൻ എന്നതിനാലാണ് താൻ ലൈഫ് മിഷൻ ഉൾപ്പെടെയുള്ള മിഷനുകൾ യു.ഡി.എഫ് അധികാരത്തിലെത്തിയാൽ പിരിച്ചുവിടുമെന്ന് പറഞ്ഞതെന്ന് യു.ഡി.എഫ് കൺവീനർ എം.എം ഹസൻ പറഞ്ഞു. താൻ പുതുതായി പറഞ്ഞ കാര്യമല്ല ഇത്. യു.ഡി.എഫും കോൺഗ്രസും നേരത്തെ പറഞ്ഞ കാര്യമാണ്. ലൈഫ് ഉൾപ്പെടെയുള്ള മിഷനുകൾ തദ്ദേശ സ്വയംഭരണ സ്ഥാപനങ്ങളുടെ അവകാശം കവർന്നുകൊണ്ടാണ് സംസ്ഥാന സർക്കാർ രൂപീരിച്ചത്. സി.പി.എമ്മിന്റെ ഉന്നതരായ നേതാക്കൾക്ക് ശമ്പളം നൽകാനായാണ് മിഷനുകൾ രൂപീകരിച്ചതെന്നും കോഴയ്ക്കുള്ള വഴി തേടുന്ന മിഷനുകൾ യു.ഡി.എഫ് അധികാരത്തിൽ വരുമ്പോൾ തുടരണമെന്നാണോ പറയുന്നതെന്നും ഹസ്സൻ ചോദിച്ചു.

പാ​ലി​യേ​ക്ക​ര​ ​ടോ​ൾ​ ​പ്ലാ​സ​യ്‌​ക്കെ​തി​രെ
സു​പ്രീം​കോ​ട​തി​യി​ൽ​ ​ഹ​ർ​ജി​:​ ​പ്രാ​ഥ​മി​ക​ ​വാ​ദം​ 14​ ​ന്

തൃ​ശൂ​ർ​:​ ​മ​ണ്ണു​ത്തി​ ​-​ ​ഇ​ട​പ്പ​ള്ളി​ ​ദേ​ശീ​യ​പാ​ത​യി​ലെ​ ​പാ​ലി​യേ​ക്ക​ര​ ​ടോ​ൾ​ ​പ്ലാ​സ​യ്ക്കെ​തി​രെ​ ​ന​ൽ​കി​യ​ ​ഹ​ർ​ജി​യി​ൽ​ ​സു​പ്രീം​ ​കോ​ട​തി​ ​ഈ​ ​മാ​സം​ 14​ ​ന് ​പ്രാ​രം​ഭ​ ​വാ​ദം​ ​കേ​ൾ​ക്കും.​ ​ഫാ​സ് ​ടാ​ഗ് ​അ​പാ​ക​ത​ ​പ​രി​ഹ​രി​ക്കാ​തെ​ ​ടോ​ൾ​ ​പി​രി​ക്ക​രു​ത്,​ ​കൊ​വി​ഡ് ​കാ​ല​ത്ത് ​ടോ​ൾ​ ​തു​ക​ ​വ​ർ​ദ്ധി​പ്പി​ക്ക​രു​ത്,​ ​ദേ​ശീ​യ​പാ​ത​ ​നി​ർ​മ്മാ​ണ​ത്തി​ന് ​ചെ​ല​വാ​യ​ ​തു​ക​യും​ ​ലാ​ഭ​വും​ ​കി​ട്ടി​യാ​ൽ​ ​ടോ​ൾ​ ​പി​രി​വ് ​കാ​ലാ​വ​ധി​ ​കു​റ​യ്ക്കു​ക​ ​തു​ട​ങ്ങി​യ​ ​കാ​ര്യ​ങ്ങ​ളു​ന്ന​യി​ച്ച് ​കെ.​പി.​സി.​സി​ ​സെ​ക്ര​ട്ട​റി​മാ​രാ​യ​ ​അ​ഡ്വ.​ ​ഷാ​ജി​ ​ജെ.​ ​കോ​ട​ങ്ക​ണ്ട​ത്ത്,​ ​ടി.​ജെ​ ​സ​നീ​ഷ്‌​കു​മാ​ർ​ ​എ​ന്നി​വ​ർ​ ​അ​ഡ്വ.​ ​നി​ഷെ.​ ​ആ​ർ​ ​ശ​ങ്ക​ർ​ ​മു​ഖാ​ന്ത​ര​മാ​ണ് ​സു​പ്രീം​ ​കോ​ട​തി​യി​ൽ​ ​ഹ​ർ​ജി​ ​ഫ​യ​ൽ​ ​ചെ​യ്ത​ത്.​ ​ദേ​ശീ​യ​പാ​ത​ ​നി​ർ​മ്മാ​ണ​ത്തി​ന് ​ചെ​ല​വാ​യ​ 721.174​ ​കോ​ടി​യേ​ക്കാ​ൾ​ ​കൂ​ടു​ത​ൽ​ ​സം​ഖ്യ​ ​ടോ​ളി​ന​ത്തി​ൽ​ ​ല​ഭ്യ​മാ​യ​താ​യി​ ​വി​വ​രാ​വ​കാ​ശ​ ​രേ​ഖ​പ്ര​കാ​രം​ ​മ​റു​പ​ടി​ ​ല​ഭി​ച്ചി​ട്ടു​ള്ള​താ​ണെ​ന്ന് ​ഹ​ർ​ജി​യി​ൽ​ ​ചൂ​ണ്ടി​ക്കാ​ട്ടു​ന്നു.​ ​ഇ​ത്ത​ര​ത്തി​ൽ​ 2020​ ​ജൂ​ലൈ​ ​വ​രെ​ 801.60​ ​കോ​ടി​ ​രൂ​പ​ ​ല​ഭി​ച്ചി​ട്ടു​ണ്ട്.​ ​എം.​ഒ.​ടി​ ​അ​ടി​സ്ഥാ​ന​ത്തി​ലു​ള്ള​താ​യ​തി​നാ​ൽ​ ​നി​ർ​മ്മാ​ണ​ച്ചെ​ല​വ് ​കി​ട്ടി​ക്ക​ഴി​ഞ്ഞാ​ൽ​ ​ടോ​ൾ​ ​സം​ഖ്യ​യു​ടെ​ 40​ ​ശ​ത​മാ​നം​ ​കു​റ​യ്ക്കാ​ൻ​ ​റോ​ഡ് ​നി​ർ​മ്മാ​ണ​ ​ക​മ്പ​നി​ ​ബാ​ദ്ധ്യ​സ്ഥ​രാ​ണ്.​ ​ഫാ​സ് ​ടാ​ഗു​ക​ൾ​ ​പ്ര​വ​ർ​ത്തി​ക്കാ​ത്ത​തി​നെ​തി​രെ​യും​ ​ക​ള​ക്ട​ർ​ ​ദേ​ശീ​യ​പാ​ത​ ​അ​തോ​റി​റ്റി​ക്കും​ ​സം​സ്ഥാ​ന​ ​സ​ർ​ക്കാ​രി​നും​ ​റി​പ്പോ​ർ​ട്ട് ​ന​ൽ​കി​യി​ട്ടു​ള്ള​താ​ണെ​ന്നും​ ​ഹ​ർ​ജി​യി​ൽ​ ​ചൂ​ണ്ടി​ക്കാ​ട്ടു​ന്നു.