കൊടുങ്ങല്ലൂർ: എറിയാട് പേബസാറിന് സമീപം മോട്ടോർ ബൈക്കുകൾ കൂട്ടിയിടിച്ച് യുവാവ് മരിച്ചു. എടവിലങ്ങ് കാര തായാട്ടുപറമ്പിൽ രതീഷാണ് (40) മരിച്ചത്. തിങ്കളാഴ്ച്ച രാത്രി ഒമ്പതോടെയായിരുന്നു അപകടം. മത്സ്യത്തൊഴിലാളിയായ ഇയാൾ അഴീക്കോട് ഭാഗത്തേക്ക് പോകുകയായിരുന്നു. ഗുരുതരമായി പരിക്കേറ്റ രതീഷിനെ തൃശൂർ മെഡിക്കൽ കോളേജ് ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അവിവാഹിതനാണ്.