മതിലകം: സംസ്ഥാനത്തെ സ്‌കൂളുകളിൽ സംശയദൂരീകരണത്തിനും പ്രാക്ടിക്കലിനുമായി 10, 12 ക്ലാസുകളിലെ വിദ്യാർത്ഥികൾക്ക് ജനുവരി ഒന്നു മുതൽ ക്ലാസ് ആരംഭിക്കുന്നതിന്റെ പശ്ചാത്തലത്തിൽ കയ്പമംഗലം മണ്ഡലത്തിൽ ഉന്നതതല യോഗം വിളിച്ച് ചേർത്തു.സ്‌കൂൾ തുറക്കുമ്പോൾ സ്വീകരിക്കേണ്ട മുൻകരുതലുകൾക്കായും കൊവിഡ് സുരക്ഷാ മാനദണ്ഡങ്ങൾ കർശനമായി പാലിച്ചുകൊണ്ട് നടപ്പാക്കുവാൻ വേണ്ട മാർഗനിർദ്ദേശങ്ങൾ നൽകുന്നതിനുമായിട്ടാണ് ഇ.ടി ടൈസൺ മാസ്റ്റർ എം.എൽ.എയുടെ നേതൃത്വത്തിൽ മതിലകം ബ്ലോക്ക് പഞ്ചായത്തിൽ ഉന്നതതല യോഗം ചേർന്നത്.യോഗത്തിൽ മതിലകം ബി.പി.സി സിന്ധു ടീച്ചർ, ബ്ലോക്ക് പഞ്ചായത്ത് അംഗം സി.കെ.ഗിരിജ, മെഡിക്കൽ സൂപ്രണ്ട് ഡോ: സാനു പരമേശ്വരൻ, തഹസിൽദാർ കെ രേവ, മതിലകം ബി.ഡി.ഒ അമ്മുക്കുട്ടി പി സ്‌കറിയ, കയ്പമംഗലം പൊലിസ് അഡീഷണൽ എസ്.ഐ ജിഷിൽ, കൊടുങ്ങല്ലൂർ അഡീഷണൽ എസ്.ഐ ബസന്ത്, ഫയർഫോഴ്‌സ് എസ്.ഐ ഇൻ ചാർജ് ഓഫീസർ എം.എൻ സുധൻ, തുടങ്ങിയവരും സ്‌കൂൾ പ്രധാന അദ്ധ്യാപകരും പി.ടി.എ ഭാരവാഹികളും പങ്കെടുത്തു.