തിരുവനന്തപുരം: 'സാഹിതി'യുടെ ലളിതാംബിക അന്തർജനം സാഹിത്യ പുരസ്‌കാരത്തിന് കഥാകൃത്തും മാദ്ധ്യമ പ്രവർത്തകനുമായ ടി.ബി. ലാൽ അർഹനായി. 'ടി.ബി. ലാലിന്റെ കഥകൾ' എന്ന കഥാ സമാഹാരത്തിനാണ് പുരസ്‌കാരം. ലളിതാംബിക അന്തർജനത്തിന്റെ ശ്രദ്ധേയ കൃതിയായ അഗ്‌നി സാക്ഷി പുറത്തിറങ്ങിയതിന്റെ നാല്‍പത്തിനാലാമത് വാർഷികവുമായി ബന്ധപെട്ടാണ് സാഹിതി പുരസ്‌കാരം ഏർപ്പെടുത്തിയതെന്ന് ചെയർമാൻ വി.സി. കബീർമാസ്റ്ററും സെക്രട്ടറി ജനറൽ ബിന്നി സാഹിതിയും പറഞ്ഞു.
44,444 രൂപയും സാക്ഷ്യപത്രവും സർട്ടിഫിക്കറ്റും അടങ്ങുന്ന അവാർഡ് ഈ മാസാവസാനം സമ്മാനിക്കും. സാഹിതി ചെയർമാൻ മുൻ മന്തി വി.സി. കബീർ മാസ്റ്റർ അദ്ധ്യക്ഷനും ബാല സാഹിത്യ ഇൻസ്റ്റിറ്റ്യൂട്ട് ഡയറക്ടർ പള്ളിയറ ശ്രീധരൻ, ഇസ്ര ചെയർമാന പഴകുളം മധു, ഡോ. എസ്. രമേശ് കുമാർ എന്നിവർ അംഗങ്ങളുമായ കമ്മിറ്റിയാണ് അവാർഡ് നിർണയിച്ചത്.