തിരുവനന്തപുരം: ജില്ലയിൽ ഇന്നലെ 424 പേർക്ക് കൂടി കൊവിഡ് സ്ഥിരീകരിച്ചു. 380 പേർ രോഗമുക്തരായി. നിലവിൽ 4207 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്. ജില്ലയിൽ അഞ്ചുപേരുടെ മരണം കൊവിഡ് മൂലമാണെന്ന് സ്ഥിരീകരിച്ചു. മുക്കോലയ്ക്കൽ സ്വദേശി തങ്കരാജൻ (80), ആറ്റിങ്ങൽ സ്വദേശി ഇന്ദു ശേഖരൻ (65), അയിര സ്വദേശി അഖിൽ (27), ചിറയിൻകീഴ് സ്വദേശി നീലകണ്ഠൻ ആശാരി (85), കടകംപള്ളി സ്വദേശി മോഹനൻ നായർ (63) എന്നിവരുടെ മരണമാണ് കൊവിഡ് മൂലമാണെന്ന് സ്ഥിരീകരിച്ചത്. രോഗം സ്ഥിരീകരിച്ചവരിൽ 314 പേർക്കു സമ്പർക്കത്തിലൂടെയാണ് രോഗബാധയുണ്ടായത്. ഇതിൽ നാലുപേർ ആരോഗ്യപ്രവർത്തകരാണ്.

പുതുതായി നിരീക്ഷണത്തിലായവർ - 2015

നിരീക്ഷണത്തിലുള്ളവ‌ർ - 31708

ഇന്നലെ രോഗമുക്തി നേടിയവർ - 380

നിരീക്ഷണ കാലയളവ് പൂർത്തിയാക്കിയവർ -7903

 ചികിത്സയിലുള്ളവർ - 4207