മലയാളത്തിന്റെ പ്രിയ നായികയാണ് സംവൃത സുനിൽ. വിവാഹത്തിന് പിന്നാലെ സിനിമയിൽ നിന്ന് താത്കാലികമായി അവധിയെടുത്ത താരം കഴിഞ്ഞ വർഷം 'സത്യം പറഞ്ഞാൽ വിശ്വസിക്കുമോ' എന്ന സിനിമയിലൂടെ തിരിച്ചെത്തിയിരുന്നു. ഇപ്പോഴിതാ തന്റെ പുതിയ സിനിമയെകുറിച്ച് പറഞ്ഞിരിക്കുകയാണ് സംവൃത. ഒരു അഭിമുഖത്തിലാണ് സംവൃത സുനിൽ തന്റെ പുതിയ ചിത്രത്തെ കുറിച്ച് തുറന്നുപറഞ്ഞത്.

വരനെ ആവശ്യമുണ്ട് എന്ന ചിത്രത്തിന് ശേഷം അനൂപ് സത്യൻ സംവിധാനം ചെയ്യുന്ന ചിത്രത്തിലാണ് സംവൃത അഭിനയിക്കുന്നത്. അമേരിക്കയിൽ നിന്നുതന്നെ സംവൃത സുനിൽ ചിത്രത്തിൽ അഭിനയിക്കുന്ന രീതിയിലാണ് ചിത്രീകരണം ആലോചിച്ചിരിക്കുന്നത്. സിനിമയുടെ പ്രമേയം സംബന്ധിച്ച് വിവരങ്ങൾ പുറത്തുവിട്ടിട്ടില്ല. ഒരിടവേളയ്ക്ക് ശേഷം സംവൃത അഭിനയിച്ച സത്യം പറഞ്ഞാൽ വിശ്വസിക്കുമോ എന്ന ചിത്രത്തിൽ ബിജു മേനോൻ ആയിരുന്നു നായകനായത്. 2004ൽ ലാൽ ജോസ് സംവിധാനം ചെയ്ത രസികൻ എന്ന ചിത്രത്തിലൂടെയാണ് സംവൃത സിനിമയിൽ അരങ്ങേറ്റം കുറിച്ചത്.