നെടുമ്പാശേരി: കൊച്ചി അന്താരാഷ്ട്ര വിമാനത്താവളം വഴി അനധികൃതമായി കടത്തുവാൻ ശ്രമിച്ച ഒരു കിലോയിലേറെ സ്വർണം എയർ ഇന്റലിജൻസ് കസ്റ്റംസ് പിടിച്ചു. എയർ ഇന്ത്യ എക്‌സ്‌പ്രസിൽ ഷാർജയിൽ നിന്നെത്തിയ മലപ്പുറം സ്വദേശിയായ മുഹമ്മദ് അബ്ദുൾ റഹ്മാനിൽ നിന്നാണ് സ്വർണം പിടികൂടിയത്. ശരീരത്തിൽ ഒളിപ്പിച്ചിരിക്കുകയായിരുന്നു. ഏകദേശം 50 ലക്ഷം രൂപ വിലവരും. പരിശോധനകൾ പൂർത്തീകരിച്ച് ഗ്രീൻചാനൽവഴി പുറത്തേക്ക് കടക്കുന്നതിനിടെ സംശയംതോന്നി പരിശോധിച്ചപ്പോഴാണ് സ്വർണം കണ്ടെത്തിയത്‌.