തിരുവനന്തപുരം: ജില്ലയിൽ ഇന്നലെ 272 പേർക്ക് കൂടി കൊവിഡ് സ്ഥിരീകരിച്ചു. ഇതിൽ 169 പേർക്ക് സമ്പർക്കത്തിലൂടെയാണ് രോഗബാധ. ആറ് ആരോഗ്യപ്രവർത്തകരും രോഗബാധിതരായി. ജില്ലയിൽ നാലുപേരുടെ മരണം കൊവിഡ് മൂലമാണെന്ന് സ്ഥിരീകരിച്ചു. പാങ്ങോട് സ്വദേശി ഹാഷിം (51), കാരക്കോണം സ്വദേശി ഹനിൽ സിംഗ് (53), മാരായമുട്ടം സ്വദേശി ഗോപിനാഥൻ നായർ (70), വെഞ്ഞാറമൂട് സ്വദേശിനി നസീമ ബീവി (47) എന്നിവരുടെ മരണമാണ് സ്ഥിരീകരിച്ചത്. ഇന്നലെ 350 പേർ രോഗമുക്തി നേടി. രോഗലക്ഷണങ്ങളെത്തുടർന്ന് ജില്ലയിൽ 1,689 പേരെക്കൂടി നിരീക്ഷണത്തിലാക്കിയിട്ടുണ്ട്. ഇവരടക്കം ആകെ 31,435 പേർ വീടുകളിലും 110 പേർ സ്ഥാപനങ്ങളിലും ക്വാറന്റൈനിൽ കഴിയുന്നുണ്ട്. ഇന്നലെവരെ നിരീക്ഷണത്തിലുണ്ടായിരുന്ന 2,415 പേർ നിരീക്ഷണകാലം പൂർത്തിയാക്കി. നിലവിൽ 3,819 പേരാണ് രോഗം സ്ഥിരീകരിച്ച് ചികിത്സയിൽ കഴിയുന്നത്.