തിരുവനന്തപുരം: കാമ്പസ് ഫ്രണ്ട് ഒഫ് ഇന്ത്യയുടെ ദേശീയ നേതാവും കൊല്ലം അഞ്ചൽ സ്വദേശിയുമായ റൗഫ് ഷെരീഫിനെ തിരുവനന്തപുരം വിമാനത്താവളത്തിൽ നിന്ന് എൻഫോഴ്സ്‌മെന്റ് ഡയറക്ടറേ​റ്റ് (ഇ.ഡി) കസ്​റ്റഡിയിലെടുത്തു.

ചോദ്യം ചെയ്യലിന് ഹാജരാകാൻ ഇ.ഡി നോട്ടീസ് നൽകിയതിനെ തുടർന്ന് മസ്ക്കറ്റിലേക്ക് കടക്കാനായിരുന്നു ശ്രമം. ഇതറിഞ്ഞ കൊച്ചിയിലെ ഇ.ഡി ഉദ്യോഗസ്ഥർ വിമാനത്താവളത്തിൽ കാത്തുനിന്ന് ഇമിഗ്രേഷൻ പരിശോധനയ്ക്ക് മുമ്പ് പുലർച്ചെ അഞ്ചരയ്ക്ക് പിടികൂടുകയായിരുന്നു.

കള്ളപ്പണം വെളുപ്പിക്കൽ കേസുമായി ബന്ധപ്പെട്ടാണ് അന്വേഷണം.

ഹാഥ്‌രസ് സംഭവത്തിന് പിന്നാലെയുള്ള പ്രതിഷേധത്തിന് പണമെത്തിച്ചതുമായി ബന്ധപ്പെട്ട് ഉത്തർപ്രദേശ് പൊലീസ് ഇയാളെ അന്വേഷിച്ചിരുന്നു. ഡൽഹി കലാപത്തിന് പണമൊഴുക്കിയതിൽ ഇ.ഡിയും തെരയുകയായിരുന്നു.

ഖത്തർ, ഒമാൻ എന്നിവിടങ്ങളിൽ നിന്ന് റൗഫിന്റെ അക്കൗണ്ടിലേക്ക് അനധികൃതമായി പണം എത്തിയിരുന്നുവെന്ന സൂചനയെ തുടർന്നാണ് നോട്ടീസ് നൽകിയതെന്ന് അറിയുന്നു.
ശനിയാഴ്ച രാവിലെ ഏഴരയ്ക്കുള്ള സലാം എയർവേസിൽ മസ്‌ക​റ്റിലേക്കുള്ള യാത്രക്കായി എത്തിയ റൗഫ് ബാഗേജ് പരിശോധന പൂർത്തിയാക്കിയിരുന്നു. ഇമിഗ്രേഷൻ ഹാളിലേക്ക് കടന്നപ്പോഴാണ് കസ്​റ്റഡിയിലെടുത്തത്. നടപടി പൂർത്തിയാക്കി റൗഫിനെ പന്ത്രണ്ടരയോടെ കൊണ്ടുപോയി.

കാ​മ്പ​സ് ​ഫ്ര​ണ്ട് ​നേ​താ​വു​മാ​യി
അ​ഞ്ച​ലി​ലെ​ ​വീ​ട്ടി​ൽ​ ​തെ​ളി​വെ​ടു​പ്പ്

അ​ഞ്ച​ൽ​:​ ​തി​രു​വ​ന​ന്ത​പു​രം​ ​വി​മാ​ന​ത്താ​വ​ള​ത്തി​ൽ​ ​നി​ന്ന് ​എ​ൻ​ഫോ​ഴ്സ്‌​മെ​ന്റ് ​ഡ​യ​റ​ക്ട​റേ​റ്റ് ​ക​സ്റ്റ​ഡി​യി​ലെ​ടു​ത്ത​ ​കാ​മ്പ​സ്‌​ഫ്ര​ണ്ട് ​നേ​താ​വ് ​റൗ​ഫി​നെ​ ​ഏ​റെ​ ​നാ​ളാ​യി​ ​വാ​ട​ക​യ്ക്ക് ​താ​മ​സി​ക്കു​ന്ന​ ​അ​ഞ്ച​ൽ​ ​ച​ന്ത​മു​ക്കി​നു​ ​സ​മീ​പ​ത്തെ​ ​വീ​ട്ടി​ലെ​ത്തി​ച്ച് ​തെ​ളി​വെ​ടു​ത്തു.​ ​ക​ട​യ്ക്ക​ൽ​ ​ചു​ണ്ട​ ​സ്വ​ദേ​ശി​യാ​ണ്.
കാ​മ്പ​സ് ​ഫ്ര​ണ്ട് ​പ്ര​വ​ർ​ത്ത​ക​ർ​ ​വീ​ടി​ന് ​മു​ന്നി​ൽ​ ​പ്ര​തി​ഷേ​ധി​ച്ചു.​ ​വി​വി​ധ​ ​സ്റ്റേ​ഷ​നു​ക​ളി​ൽ​ ​പൊ​ലീ​സ് ​എ​ത്തി​യാ​ണ് ​സ്ഥി​തി​ ​നി​യ​ന്ത്രി​ച്ച​ത്.​ ​പ്ര​വ​ർ​ത്ത​ക​ർ​ ​അ​ഞ്ച​ലി​ൽ​ ​പ്ര​ക​ട​നം​ ​ന​ട​ത്തു​ക​യും​ ​റോ​ഡ് ​ഭാ​ഗി​ക​മാ​യി​ ​ഉ​പ​രോ​ധി​ക്കു​ക​യും​ ​ചെ​യ്തു.