തിരുവനന്തപുരം: സൗരോർജ്ജം കുറഞ്ഞ ചെലവിൽ ഉൽപ്പാദിപ്പിക്കൽ ലക്ഷ്യമിടുന്ന 'സൗര'- പുരപ്പുറ സൗരോർജ്ജ പദ്ധതി പ്രകാരം ജനുവരിയിൽ രണ്ടായിരത്തോളം പുരപ്പുറങ്ങളിൽ വൈദ്യുതി ഉൽപ്പാദനം ആരംഭിക്കും. ഗാർഹിക ഉപഭോക്താക്കളുടെ വൈദ്യുതി ബില്ലിൽ വലിയ ലാഭമുണ്ടാക്കുന്നതാണ് പദ്ധതി

രണ്ട് വർഷം മുമ്പ് സംസ്ഥാന സർക്കാർ പ്രഖ്യാപിച്ചതും, കേന്ദ്ര സഹായത്തോടെ നടപ്പാക്കുന്നതുമായ പദ്ധതി വഴി 43,​000 ഗുണഭോക്താക്കളാണ് സ്വന്തം പുരപ്പുറത്തു നിന്ന് വൈദ്യുതി പ്രതീക്ഷിച്ചിരിക്കുന്നത്. 2,​62,​000 പേർ പദ്ധതിക്കായി രജിസ്റ്റർ ചെയ്തു. ഇവരുടെ വീടുകൾ പരിശോധിച്ചാണ് 43,​000 പേരെ തിരഞ്ഞെടുത്തത്. 8500 പേർ പുതുതായി രജിസ്റ്റർ ചെയ്തിട്ടുണ്ട്. 200 മെഗാവാട്ടിന്റെ പദ്ധതി കൂടി കേന്ദ്ര സർക്കാർ അനുവദിച്ചതോടെ,ഒരു ലക്ഷം പുരപ്പുറങ്ങളിൽ സോളാർ പാനൽ സ്ഥാപിക്കാനാവും. പുരപ്പുറത്ത് ഒരു കിലോവാട്ട് നിലയത്തിന് വേണ്ടത് 100 ചതുരശ്രഅടി സ്ഥലമാണ്.

മൂന്ന് ഏജൻസികൾ

• റിഫക്സ്, കോണ്ടാസ്, ഹൈവ് എന്നീ എജൻസികൾ വഴിയാണ് പദ്ധതി നടപ്പാക്കുന്നത്. ഏജൻസികളെ ഗുണഭോക്താക്കൾക്ക് തിരഞ്ഞെടുക്കാം.
• കെ.എസ്.ഇ.ബി പ്ലാൻ പ്രകാരമുള്ള മോഡലുകൾക്ക് 25 വർഷം മെയിന്റനൻസ് സൗജന്യം. കേന്ദ്ര പദ്ധതി പ്രകാരമുള്ള മോഡലിന് 5 വർഷവും
• രണ്ട് കിലോവാട്ട് പ്ലാന്റ് സ്ഥാപിച്ചാൽ 480 യൂണിറ്റും, മൂന്ന് കിലോവാട്ട് പ്ലാന്റ് സ്ഥാപിച്ചാൽ
• 720 യൂണിറ്റും വൈദ്യുതി രണ്ട് മാസം കൊണ്ട് ഉൽപ്പാദിപ്പിക്കാം.

സൗര സബ്സിഡി മോഡൽ 1എ-

• പ്രതിമാസ ഉപഭോഗം 120 യൂണിറ്റ് വരെയുള്ളവർക്ക്
• ഈടാക്കുന്നത് പ്ലാന്റിന്റെ വിലയുടെ 12%
• ലഭിക്കുന്ന വൈദ്യുതി ഉൽപ്പാദനത്തിന്റെ 25%

നൽകേണ്ടത്

• രണ്ട് കിലോവാട്ടിന് -10,​320 രൂപ
• മൂന്ന് കിലോവാട്ടിന് -15,​120

മോഡൽ 1ബി-

• പ്രതിമാസ ഉപഭോഗം 150 യൂണിറ്റ് വരെയുള്ളവർക്ക്
• പ്ലാന്റിന്റെ വിലയുടെ 20%
• ലഭിക്കുന്ന വൈദ്യുതി ഉൽപ്പാദനത്തിന്റെ 40%

നൽകേണ്ടത്

• രണ്ട് കിലോവാട്ടിന് - 17,​200 രൂപ
• മൂന്ന് കിലോവാട്ടിന് -25,​200

മോഡൽ1 സി-

• പ്രതിമാസ ഉപഭോഗം 200 യൂണിറ്റ് വരെയുള്ളവർക്ക്
• പ്ലാന്റിന്റെ വിലയുടെ 25%
• ലഭിക്കുന്ന വൈദ്യുതി ഉൽപ്പാദനത്തിന്റെ 50%

നൽകേണ്ടത്

• രണ്ട് കിലോവാട്ടിന് - 21,​500 രൂപ
• മൂന്ന് കിലോവാട്ടിന് -31,​500 രൂപ

മോഡൽ 2

• മൂന്നു കിലോവാട്ട് വരെ സബ്സിഡി 40%. അതിനു മുകളിൽ 20%.
• രണ്ടു കിലോവാട്ട് പ്ലാന്റ് സ്ഥാപിക്കാൻ ഉപഭോക്താവ് നൽകേണ്ടത് 51,599 രൂപ.
• മൂന്ന് കിലോവാട്ടിന് 75,000 രൂപ. നാലിന് 1,06,340 രൂപ. പത്തു കിലോവാട്ടിന് 3,02,660 രൂപ.
• ആവശ്യം കഴി‌ഞ്ഞുള്ള വൈദ്യുതി കെ.എസ്.ഇ.ബിക്ക് വിൽക്കാം.

രജിസ്റ്റർ ചെയ്യാൻ

https://wss.kseb.in/selfservices/sbp

സെക്ഷൻ ഓഫീസുകളിലെ കൗണ്ടറുകളിലൂടെയും രജിസ്റ്റർ ചെയ്യാം. രജിസ്‌ട്രേഷൻ ഫീസ് ആയിരം രൂപ. ജി.എസ്.ടി.യും പ്രളയസെസും ചേർത്ത് 1190 രൂപ.

''രജിസ്റ്റർ ചെയ്യുന്ന എല്ലാവർക്കും മാർച്ചോടെ പുരപ്പുറങ്ങളിൽ സോളാർ സ്ഥാപിക്കും''

-മിനി ജോർജ്, ഡയറക്ടർ, കെ.എസ്.ഇ.ബി