തിരുവനന്തപുരം: കേരള സർവകലാശാലയിൽ നിയമ ബിരുദ കോഴ്സുകളുടെ എല്ലാ സെമസ്​റ്ററുകളുടെയും ഇന്റേണൽ മാർക്ക് മെച്ചപ്പെടുത്തുന്നതിന് അവസരം. ത്രിവത്സര നിയമ വിദ്യാർത്ഥികൾ (2016 അഡ്മിഷൻ), പഞ്ചവത്സര നിയമ വിദ്യാർത്ഥികൾ (2014 അഡ്മിഷൻ), കോഴ്സ് പൂർത്തിയാക്കി ഒരു വർഷം കഴിഞ്ഞവരും ഇന്റേണൽ മാർക്ക് 10-ൽ കുറവുളളവർക്കും അപേക്ഷിക്കാം. ഒരു സെമസ്​റ്ററിലേക്ക് ഒരു തവണ മാത്രമേ അപേക്ഷിക്കാനാവൂ. ഒരു പേപ്പറിന് 525 രൂപ നിരക്കിൽ ഒരു സെമസ്​റ്ററിന് പരമാവധി 2100 രൂപ അടയ്‌ക്കണം. ഇതിൽ 105 രൂപ സർവകലാശാല ഫണ്ടിൽ (കെ.യു.എഫ്) അടയ്‌ക്കണം. ഇന്റേണൽ മാർക്ക് മെച്ചപ്പെടുത്തുന്നതിനുളള നിശ്ചിത അപേക്ഷാഫാറം പ്രിൻസിപ്പലിന്റെ അനുമതിയോടുകൂടി 2021 ജനുവരി 8നോ അതിനുമുമ്പോ സമർപ്പിക്കണം. അപേക്ഷയുടെ പകർപ്പും മ​റ്റ് വിശദവിവരങ്ങളും സർവകലാശാല വെബ്‌സൈ​റ്റിൽ ലഭ്യമാണ്. നിശ്ചിത തീയതിക്കുശേഷം ലഭിക്കുന്ന അപേക്ഷകൾ നിരസിക്കും.