തിരുവനന്തപുരം: തദ്ദേശ തിരഞ്ഞെടുപ്പിന്റെ വോട്ടെണ്ണൽ തുടങ്ങുന്നതുമുതലുള്ള പുരോഗതിയും ഫലവും 'പി.ആർ.ഡി ലൈവ്' മൊബൈൽ ആപ്പിലൂടെ അപ്പപ്പോൾ അറിയാം. സംസ്ഥാനതലം വരെയുള്ള വോട്ടെണ്ണൽ പുരോഗതി ഇന്നു ‌രാവിലെ എട്ടുമണി മുതൽ അറിയാനാകും. ജില്ല, കോർപറേഷൻ, നഗരസഭ, ബ്ലോക്ക്, ഗ്രാമപഞ്ചായത്ത് തലത്തിൽ സീറ്റുകളുടെ എണ്ണവും ലീഡുനിലയും അറിയാനാകും. തിരക്കുകൂടിയാലും ഫലങ്ങളറിയുന്നതിന് തടസ്സം വരാതിരിക്കാൻ ഒട്ടോ സ്‌കെയിലിംഗ് സംവിധാനമാണ് ആപ്പിൽ ക്രമീകരിച്ചിരിക്കുന്നത്. ഇൻഫർമേഷൻ പബ്ളിക് റിലേഷൻസ് വകുപ്പിന്റെ പി.ആർ.ഡി ലൈവ് ആപ്പ് ഗൂഗിൾ പ്ലേ സ്റ്റോറിൽനിന്നും ആപ്പ് സ്റ്റോറിൽനിന്നും ഡൗൺലോഡ് ചെയ്യാം.